Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

“Do vrisja vëllain dhe dajën”, pasi ekzekutoi prindërit i riu nga Dibra kërkesë policëve: Ndizini sirenat dhe bjerini borisë...

Politiko 15 Qershor 2018, 11:21

“Do vrisja vëllain dhe dajën”, pasi ekzekutoi

Një javë pas krimit të dyfishtë që tronditi Peshkopinë, janë zbardhur detaje të reja në lidhje me 26-vjeçarin Qemal Sela, i cili pak orë pas kthimit nga Anglia, ekzekutoi me breshë-ri kallashnikovi nënën dhe babain. Bëhet fjalë për bashkëshortët Flamur dhe Zeqimete Sela, përkatësisht 55 dhe 50 vjeç, mbi të cilët i riu zbrazi një karikator me plumba. Burime të sigurta nga policia e Dibrës dje bënë me dije për “Gazeta Shqiptare” se autori i ngjarjes së rëndë të ndodhur në lagjen “Llixha” të qytetit të Peshkopisë ka deklaruar në momentin e arrestimit se do të vriste edhe vëllain dhe dajën e tij. Mësohet se ndërhyrja në kohë e patrullës së policisë, e cila ishte afër hotelit 4-katësh ku u vranë burrë e grua, ka shmangur vrasjen e dy familjarëve të viktimave.

Burimet e mësipërme pohuan se Qemal Sela ka debatuar ashpër me të atin sapo ka mbërritur në aeroportin e Rinasit. Sipas bluve, emigranti ka refuzuar të udhëtojë me babain që kishte dalë ta priste në aeroport me një taksi të prenotuar që në Peshkopi. Kjo për faktin se ai akuzonte prindërit e tij se kishin prishur të gjitha paratë që ai kishte dërguar nga Anglia përgjatë 7 viteve emigracion për të ndërtuar 2 hotele që shërbenin për personat që frekuentojnë llixhat e Peshkopisë.

Ndërkaq, ai i është drejtuar një taksisti në Rinas dhe e ka pyetur: “Sa të bën rruga deri në Peshkopi”? Taksisti i ka thënë 120 mijë lekë të vjetra. “Unë të jap 150 mijë lekë, më ço në shtëpi”.

Paraditen e së enjtes së 7 qershorit, Qemal Sela bashkë me vëllain më të madh (28-vjeçar) ka dalë për të bërë xhiro në qytetin e Peshkopisë, por janë grindur sërish për paratë. Teksa ishin duke debatuar, ai i ka thënë vëllait se do të kthehej në banesë. Sapo ka shkuar në shtëpi, një ndërtesë 4-katëshe që shërbente si hotel për personat që frekuentonin llixhat e këtij qyteti, ai ka marrë kallashnikovin me dy karikatorë me fishekë. 26-vjeçari ka qëlluar me breshëri të atin, Flamurin në katin e parë duke e lënë të vdekur në vend. Pastaj ka qëlluar për vdekje dhe nënën, Zeqimeten.

Sapo ka hipur në makinën e policisë, ai u ka thënë policëve që po e shoqëronin për në komisariat: “Ndizini dritat. Ndizini sirenat dhe bjerini borisë që njerëzit të hapin rrugën”.

Gjatë rrugës për në komisariat, policët e kanë pyetur autorin e vrasjes së dyfishtë se ku po shkonte me armë në dorë. Ndërkaq, ai u ka thënë se ai po shkonte të vriste vëllain dhe dajën e tij. “Nëse nuk do më kapnit ju, unë do vrisja dhe këta dy të tjerët”, – është shprehur Qemal Sela. (GSH)