Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

"Donin të godisnin 'trurin' e Çapajve", Artan Hoxha zbardh dinamikën e atentatit në Elbasan: S'ka më banda ’97-e, por grupe të sofistikuara kriminale!

Politiko 8 Qershor 2020, 20:34

"Donin të godisnin 'trurin' e Çapajve", Artan

“Nuk kemi më banda të ’97, kemi grupe të sofistikuara,” kështu është shprehur gazetari investigativ Artan Hoxha ndërsa flet për atentatin e bërë për të tretën herë ditën e sotme ndaj Ardian Çapias në Elbasan. Gazetari thekson se të gjitha tentativat për t’i eliminuar këta persona nga afër kanë dështuar, për shkak të një gabimi që nuk është llogaritur mirë.

Në një intervistë për Abc News, Hoxha zbulon detaje nga ngjarja duke treguar se arma e përdorur është shumë e saktë “që do të thotë se organizatorët janë përpjekur të mos gabonin.”

Artan Hoxha thekson gjithashtu që policia nuk u thirr nga familjarët, por nga spitali.

“Kemi të bëjmë me persona që nuk flasin dhe nuk bashkëpunojnë, ” shton Hoxha.

“Të gjitha tentativat për t’i eliminuar nga afër kanë dështuar për shkak të një gabimi që nuk e kanë llogaritur mirë. U desh pak kohë që të kuptohet se kishim të bënim me një konflikt të ri. Ngjarja e sotme është vijim i ngjarjes që nisi në 3 shkurt të vitit 2016. Rasti i sotëm është synuar të goditet njeriu që cilësohet si truri i kësaj familje. Unë uroj që kjo të jetë një ëndërr të keqe dhe Ardiani të jetojë sepse është familjar. Drejtësinë e bën drejtësia dhe jo kallashnikovi. Grupet shqiptare qartësisht është provuar se kanë një aktivitet të madh jashtë Shqipërisë, fillimisht brenda kontinentit evropian dhe tashmë e kanë shtrirë edhe në 2 kontinente. Nga njohuritë që kam kemi të bëjmë me grupe që kanë potencial të madh ekonomik dhe nuk burojnë nga brenda Shqipërisë. Nuk kemi më banda të 97, kemi grupe të sofistikuara. ‘Sako Magnium 338’ është një armë që nuk gjendet shpesh në qarkullim. Këto janë armë që i përdorin specialistët, qitësa të sprovuar. Snajperi nuk ka rëndësi sa e madhe është predha por sa e saktë është arma. Kjo armë është blindëshpues. Kjo është një ngjarje që kanë shumë rëndësi çfarë do thotë mjekësia ligjore. Kjo armë është një prodhim finlandez. Kjo lloj arme është shumë e saktë që do të thotë se organizatorët janë përpjekur të mos gabonin. Ky qitës ka pasur një grup mbështetës pas, të paktën 4 ose 5 persona. Ka pasur një mënyrë si do hyhej në skenën e krimit dhe si do dilej prej aty. Policia nuk është njoftuar nga familjarët por nga spitali. Kemi të bëjmë me persona që nuk flasin dhe nuk bashkëpunojnë”, ka thënë Artan Hoxha.