Dulce Maria, aktorja jonë e preferuar e fëmijërisë i jep fund beqarisë

Dulce Maria ka qenë një ndër aktoret tona të preferuara kur kemi qenë akoma të vegjël. Atëherë kur transmetohej “Rebelde” dhe Dulce kishte rol protagonist. Ka frymëzuar shumë adoleshentë që të jenë kërkues e të shkathët siç ajo kishte rolin.

Mirëpo nuk ka më kohë për “çapkënllëqe” pasi ajo i ka dhënë fund beqarisë në një dasmë private dhe shume të detajuar pranë liqenit Teques me producentin Pace Alvarez.

Megjithëse Dulce María u kërkoi miqve të ishin të matur gjatë ceremonisë, ftesa e dasmës u publikua në rrjetet sociale, bashkë edhe me detajet dhe vendin ku po organizohej ceremonia e martesës, në El Faro, Tequesquitengo. “Faleminderit shumë që erdhët dhe festoni me ne një nga momentet tona më të rëndësishme. Është e rëndësishme që kjo festë të jetë vetëm për ju dhe për ne, prandaj ju lutemi të shmangni publikimin e fotografive dhe videove në rrjetet sociale ose internet. Ne kemi mirëkuptimin dhe diskrecionin tuaj për të festuar së bashku këtë ditë të mrekullueshme.”