Flash News
Vendimi për çështjen e vulës, Bardhi: Gjykata e Lartë t’i japë fund absurdit, PD i përket anëtarëve të saj
Nasip Naço del nga SPAK: U pyeta për çështjen ÇEZ-DIA, kam folur me letra, jo me heshtje
Shtyhet sërish seanca për Berishën, shkak mungesa e prokurorëve
Investimi në Sazan/ Rama pyetet pse nuk shpall tender kombëtar: Do shqyrtojmë aplikimin
Paraqitet në SPAK, ish-ministri dhe deputeti socialist, Nasip Naço
Dy ‘realitetet’ e Ramës dhe Bashës për familjet e prekura nga tërmeti në Manzë: Mes baltës dhe njësive të banimit me kondicioner
Qindra familje mbetën në qiell të hapur pas tërmetit të 26 nëntorit, në qarqet e e Tiranës, Durrësit dhe Lezhës.
Shumë banesa u shkatërruan dhe shumë të tjera u shpallën të pabanueshme për shkak të dëmtimit që pësuan pas tërmetit me magnitudë 6.4 rreth dy javë më parë.
Të ndodhur stinën e dimrit, ku temperaturat ulen ndjeshëm sidomos gjatë natës, banorët fillimisht u sistemuan në çadra, qendra sociale, palestra shkollash, apo edhe hotele.
Ndërkohë, që zgjidhja sipas qeverisë ka nisur me akomodimin e tyre në shtëpi me qira të paguara prej saj të paktën për një vit, por një tjetër realitet përcjell Partia Demokratike.
Konkretisht, në rastin e banorëve në Manzë, kryeministri Edi Rama promovon në rrjetin social ‘facebook’ se për të sfiduar edhe temperaturat dhe reshjet e shiut, banorët janë sistemuar në njësi strehimi lëvizëse, të pajisura me kushtet normale të jetesës si ngrohje, tualete, dushe, furnizim me ujë etj.
Madje, në këtë zonë ishte edhe vetë kryeministri (të shtunën) dhe inspektoi nga afër banorët e akomoduar.
Megjithatë, një realitet krejt tjetër përcjell kreu i PD, Lulzim Basha. Sot, përmes fotove sjell pamje të banorëve ende në çadra mes baltës dhe të ftohtit.
Sipas Bashës, trajtimi i familjeve po bëhet në mënyrë të diferencuar.
"Përveçse në kushte të rënda, ata ndihen të fyer dhe të diskriminuar. Sipas tyre disa familje janë strehuar në kontenierë, ndërsa të tjerë me fëmijë disa muajsh dhe të sëmurë janë lënë në çadra, ku shiu dhe balta ka përmbytur dhe ato pak gjëra që kanë.
Përveç braktisjes, këta banorë po përballen çdo ditë edhe me trajtim të diferencuar. Është kriminale të bësh dallime të tilla mes njerëzve të goditur njësoj e pa dallim nga tragjedia. Duhet urgjentisht që banorët që janë në kampin e llucës të strehohen në konteinerë ose në shtëpi me qira”, shprehet Basha.