Flash News

E-TJERA

27-vjeçarja nga Bilishti e akuzoi se i dogji makinën, reagon deputeti i PD

27-vjeçarja nga Bilishti e akuzoi se i dogji makinën, reagon

Deputeti i PD, Bledion Nallbati është vendosur në qëndër të akuzave nga 27-vjeçarja nga Bilishti Deizi Arapi. Makinës së Deizi Arapit, emri i së cilës u bë i njohur një muaj më parë pasi u arrestua se fyeu e kundërshtoi efektivët e policisë, i është vënë flaka, para shtëpisë së saj.

Në një prononcim për gazetarët, ajo u shpreh se Nallbati fshihet pas zjarrvënies së makinës së saj. Sipas 27-vjeçares, në kohën kur Nallbati ishte kryebashkiak i Devollit, kanë pasur një konflikt verbal për shkak se i hoqën nga puna të ëmën.

Nallbati ka reaguar mbi akuzat, përmes një telefonate me mediat, pasi ndodhet në Gjermani. Deputeti ka thënë se do të bëjë padi për shpifje.  

“Jam i habitur nga keto akuza. Une kam patur vetem nje konflikt verbal kur isha kryebashkiak, por asgje me teper. Besij se eshte nxitur nga dikush tjeter per te bere keto akuza. Sa i përket punonjësit tim nuk mbaj pergjegjesi për çdokënd që kam të punësuar me kë zihen dhe çfarë bëjnë. Sapo të kthehem nga Gjermania do të bëj një kallëzim për shpifje”, ka deklaruar Nallbati.

 

Të fundit