Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

Afera me inceneratorin e Elbasanit/ Përfundon seanca maratonë në Apel, vendimi shpallet më 8 nëntor

Politiko 25 Tetor 2024, 17:42

Afera me inceneratorin e Elbasanit/ Përfundon seanca maratonë në

Apeli i GJKKO pritet të shpallë vendimin më 8 nëntor në orën 14:00 lidhur me aferën me inceneratorin e Elbasanit. 

Gjyqi në Apel që nisi në orën 09:00 të mëngjesit u mbyll në orën 17:35 minuta.  

Kujtojme se gjatë se seancës së sotme në Apelin e Posaçëm, ish-ministri i Mjedisit, Lefter Koka ka kundërshtuar dënimin e tij me 6.8 vite burg nga GJKKO, për aferën e inceneratorëve.

Po ashtu, mësohet se Koka iu drejtua prokurorëve të SPAK dhe togave të zeza duke thënë se në dosjen në ngarkim të tij ishin deklaratat e deputetes së Partisë së Lirisë, Monika Kryemadhi. Ai ka shtuar se po të hapet telefoni i Kryemadhit, aty do të gjendet edhe peshku i madh i inceneratorëve.

Sipas ish-ministrit, SPAK e përpiloi dosjen në mënyrë të tillë që ta dënonin për korrupsion. 

Ndërkohë, ish-deputeti socialist Alqi Bllako nuk ishte i pranishëm, ndërsa mbrojtjen e tij e kanë lexuar avokatët. Mungesën e tij në sallë, avokatët e arsyetuan me probleme shëndetësore.

Në seancën e sotme, prokurorët Klodian Braho dhe Arben Kraja kërkuan që Bllako të dënohet me 4 vite burg, në përfitim të gjykimit të shkurtuar me 2.8 vite burg, ndërsa për Kokën përveç akuzave të korrupsionit e pastrimit të parave kërkuan që të  dënohet edhe  për shpërdorim detyre.

Ish-ministri Koka  është dënuar në shkallën e parë me 5 vite e 6  muaj burg me gjykim të shkurtuar, ndërsa nësë gjendet fajtor edhe për shpërdorim detyre do të vuajë dënimin me një vit e 2 muaj heqje lirie.

Ndërsa dy biznesmenët e inceneratorit që janë ende në kërkim, Klodian Zoto e Mirel Mërtiri, janë dënuar nga shkalla e parë  me nga 6 vite e 8 muaj burg secili.

Ndërsa Stela Gugallja  që mbante postin e administratorës së inceneratorit të Elbasanit u dha dënimi me 4 vite e 8 muaj heqje lirie.

Nga ana tjetër për ish-anëtarët e komisionit të vlerësimit të ofertave, Pëllumb Abeshi dhe Jonida Zeqo u shkalla e parë ka dhënë dënime me  nga 2 vite e 8 muaj heqje lirie.

Të fundit