Flash News

11 ditë nga zhdukja e Eglant Koçit, Armando Shakaj ende në arrati

Aksident në aksin Fier–Libofshë, 4 të plagosur

U ekstradua nga Spanja, GJKKO lë në burg djalin e Erzen Breçanit

Ish-ministri i Kosovës dënohet me dy vjet burg për konflikt interesi

U vra me breshëri plumbash brenda në automjet, del foto e viktimës në Mirditë

E-TJERA

Ambasadori i BE kritik ndaj Parlamentit: Vendimet e Gjykatës Kushtetuese duhet të respektohen

Politiko 26 Shtator 2024, 12:00

Ambasadori i BE kritik ndaj Parlamentit: Vendimet e Gjykatës Kushtetuese

Ambasadori i Bashkimit Evropian në Tiranë, Silvio Gonzato, gjatë një takimi me institucionet e pavarura, ka dhënë tre mesazhe kyçe, sa i përket rolit dhe rëndësisë së Parlamentit, jo vetëm në integrimin e vendit, por dhe zbatimin e ligjeve.

Gonzato theksoi se Parlamenti dhe institucionet e pavarura kanë një rol kyç në negociatat e vendit.

“Mesazhi i  parë është të theksoj rëndësinë e parlamentit gjithashtu institucioneve të përvarur në kontekstin e hyrjes në BE. Shqipëria ka hyrë në një fazë kritike të hyrjes në BE dhe punohet shumë për të hapur negociatat që ka të bëjë me funksionimin  institucioneve demokratike, institucioneve gjyqësore, por edhe të tjera.

Ky parlament ka një rol kyç, për të luajtur duke filluar me komitetin e BE që do të rishikojë pozicionin e negociatave, të cilat do ti paraqiten Këshillit Evropian. Negociatat do të konsistojnë në reforma thelbësore që do ta sjellin Shqipërinë në standardet në të gjithë këto fusha.

Shqipëria ka miratuar një udhërrëfyes për administratën publike ambicioz dhe është në funksionim të institucioneve demokratike”, u shpreh ambasadori i BE.

Së dyti, Gonzato shprehu kritika sa i përket zbatimit të vendimeve të Gjykatës Kushtetuese nga ana e Parlamentit, dhe raportimeve transparente që duhet të bëjë për drejtuesit e institucioneve.

“Mesazhi im i dytë ka të bëjë me negociatat e suksesshme në hyrje në BE që kërkojnë një dialog ndërparlamentar në parlament por edhe në bashkëpunime ndërinstitucionale.

Shpresoj që në parlament integrimi në BE të konsiderohet nga të gjitha forcat politike si një prioritet kombëtar strategjik. Parlamenti është qendra për të pasur dialogun konstruktiv duke përfshirë edhe çështjen e integrimit në BE por edhe të miratojë legjislacione dhe ndryshimet ligjore.

Siç u përmend edhe në raportin e fundit është e rëndësishme fokusimi i bashkëpunimit mes parlamentit dhe institucioneve të pavarura. Parlamenti ka një rol të rëndësishëm edhe nga ana buxhetore. Parlamenti duhet të raportojë siç duhet kur është e nevojshme për krerët e institucioneve të pavarura apo dhe komisionet e ndryshime. Vendimet e Gjykatës Kushtetuese duhet të respektohen sic nxirren nga ajo dhe kjo është thelbësore në një shtet demokratik.

Për reformën në drejtësi parlamenti duhet të luajë një rol kyç për mos kthimin pas të këtyre reformave. Këto reforma duhet të shoqërohen me  luftën kundër krimit dhe korrupsionit në Shqipëri”, shtoi Gonzato.

Në mbyllje ambasadori u shpreh se “BE do vazhdojë të mbështesë institucionet e Shqipërisë në rrugën drejt BE”.

Të fundit