Flash News

Kishte dalë për të kullotur bagëtitë e imta, humb jetën 55-vjeçarja në Pukë

Ligji i ri i Ramës, Berisha: U bëj thirrje pedagogëve dhe studentëve të mbrojnë lirinë akademike

Aksident në Korçë, makina përfundon në kanal, lëndohet shoferi

Plagosje me thikë në Tiranë, arrestohet autori

Inaugurimi i Namazgjasë, Lela: Rama shkeli Kushtetutën, lejoi Erdoganin të turqizonte ceremoninë

E-TJERA

Arrestimi i Marklen Hakës, Hoxha: Vrasja e hallës e riktheu në botën e krimit

Politiko 7 Shtator 2024, 19:33

Arrestimi i Marklen Hakës, Hoxha: Vrasja e hallës e riktheu në

Gazetari Artan Hoxha ka dhënë detaje te reja lidhur me arrestimin e të shumëkërkuarit Marklen Haka, një ditë më parë.

Në News24, Hoxha tha se siç është parë edhe në pamjet e publikuara nga policia, në momentin e arrestimit, Haka u shfaq i zbathur, një detaj që sipas Hoxhës është një mesazh i qartë për të tjerët në botën e krimit.


“Policia të arreston, por të jep mundësinë të vishesh. Në rastin konkret, ata u kujdesën ta nxirrnin zbathur. Ky ishte një mesazh për të tjerët, jo për atë,” ka deklaruar Hoxha.

Hoxha po ashtu tha se Marklen Haka ka një histori të ndërlikuar dhe se ai njihët si personazh që ka dërguar informacion te Emiljano Shullazi, ndërsa ky i fundit ia ka pasuar kundërshtarëve të tij.

“Marklen Haka ka një histori të ndërlikuar. Ai është arrestuar më parë në vitin 2011 për vrasje dhe është bërë objekt i një atentati në vitin 2019, gjatë të cilit u vra halla e tij dhe ai u plagos rëndë. Ky atentat e riktheu atë në skenën e krimit.

Haka ka dërguar informacion te Emiljano Shullazi, i cili ia ka pasuar atë kundërshtarëve të Hakës. Dy persona që janë konsideruar si të mundshëm financues të atentatit ndaj Hakës janë Arben Ndoka, ish-deputet i PS-së, dhe Ervis Martinaj”, tha Hoxha më tej.

Sipas Hoxhës, Marklen Haka nuk ka shkuar kurrë në Dubai, dhe arrestimi i tij ndodhi vetëm 400 metra larg nga banesa e tij.

“Ai ka qenë në kontakt të ngushtë me një kushëri të tij, i cili gjithashtu ishte në kërkim. Marklen Haka nuk ka shkuar kurrë në Dubai, dhe arrestimi i tij ndodhi vetëm 400 metra larg nga banesa e tij, ku ai kishte qenë në një vizitë te kushëriri i tij”, tha Hoxha.

Të fundit