Bashkia e Durrësit me shkelje, KQZ kap ‘mat’ përfaqësuesin e Sakos për afatin e raportimit

Komisioni Qendror i Zgjedhjeve zhvilloi sot një mbledhje ku foli për hetimin administrative për shkelje të konstatuara në disa bashki të vendit. Mes insitucioneve të qeverisjes vendore të cilat janë konstatuar me shkelje është edhe Bashkia e Durrësit.

Shkeljet janë konstatuar në raportin e veprimtarive me karakter publik të institucioneve publike, qendrore dhe vendore.

Komisioneri Ilirjan Celibashi tha në fjalën e tij se problem nuk lidhet me përmbajtjen e raportimin, por me raportimin në afat të qeverisjeve vendore. Sipas të dhënave të KQZ, rezulton se disa bashki nuk kanë respektuar afatin e raportimit.

Teksa iu referua kryebashkiakes së Durrësit, Celibashi tha se Emiriana Sako nuk ka pse t’i fshihet daljes publike, për sa kohë zbaton detyrën.

“Diskutimi nuk është me sjelljen e përmbajtjen e veptrimtarisë së s’ka pasur asnjë pretendim, por për raportimin në afat ose jo. Rezulton sipas të dhënave që ne kemi se këto veprimtari nuk janë raportuar sipas parashikimit të ligjit.

Ligji s’ka asnjë ndalim që ktetari apo minsitri të zhvillojë veprimtarinë në përputhje me veprimtarinë e ligjit por ndalimet janë që gjatë zhvilimit të kësaj veprimtarie të mos ketë qoftë dhe nuanca të aktrivitetit politik e elektoral.

Nëse një kryetari bashkie do duhet të vlerësoje punën e vet është i lirë ta bëjë por pa kaluar kufirin që e klasifikon si veprimtari politike e elektorale. Në rastin konkret kryetarja e Bashkisë Durrës s’ka arsye të ketë drojë të shfaqet publikisht kur thjesht janë duke bërë detyrën e ngarkuar nga ligji”, tha Celibashi.

Mirëpo, Celibashi kapi disi ‘mat’ përfaqësuesin e autorizuar nga Bashkia e Durrësit kur ky i fundit tha se vendosja për një veprimtari të caktuar kryhet 4-5 ditë para publikimit. Celibashi e quajti këtë një shkjelje të ligjit.

Përfaqësuesi i Bashkisë: Bashkia Durrës përfaqësues me autorizim nga shefja e kabinetit që është dhe personi i ngarkuar për të bërë publikime në ndërfaqe.

Bashkia ka publikuar në ndërfaqe për punët e Bashkisë, mbjellja e pemëve e shtimi i koshave dhe ndricimi në një rrugë. Në postimin e bërë ka vetëm një panoramë të qytetit s’ka premtim elektoral dhe prononcim të kryetarit është shfaqur vetëm në faqen personale të titullarit të institucionit, në zbatim të funksioneve të kryetarit. Është munduar disa herë të aksesohet nga personat e ngarkuar e s’është arritur për shkak të problemeve të sistemit të ndërfaqes.

Celibashi: Në cilën datë?

Përfaqësuesi i Bashkisë: 20 dhe 21 janar raportimi një ditë më parë është bërë raportimi, ka pasur probleme me aksesimin.

Celibashi: Kur vendosët ta zhvillonit këtë veprimtari?

Përfaqësuesi i Bashkisë: Vendosëm ta zhvillonim këtë veprimtari 4-5 ditë përpara

Celibashi: 4-5 ditë përpara është dallim shumë i madh sot. Nëse është 4 ditë para jeni në shkelje të ligjit, nëse është 5 ditë para…