Berisha ‘non grata’, kongresmeni amerikan pyet Blinken për informacione specifike, si përgjigjet Sekretari i Shtetit  

Një kongresmen republikan ka pyetur Sekretarin Amerikan të Shtetit, Antony Blinken lidhur me shpalljen e ish kryeministrit Sali Berisha ‘Non Grata’ për korrupsion.

Gjatë një seance online në Komisionin e Punëve të Jashtme të Shtëpisë së Bardhë, kongresmeni republikan Lee Zeldin i ka kërkuar informacione specifike për vendimin ndaj Berishës, pasi siç ai shprehet, pasi ka bërë disa kërkime rreth ish kryeministrit, nuk ka gjetur informacione që e përfshinin atë në çështje korruptive.

Nga ana tjetër, Blinken ka folur për herë të parë dhe është përgjigjur duke thënë se nuk mund të ndajë asgjë me të, por i ka sugjeruar që të paraqitet në Zyrën e Legjislacionit apo në Zyrën e Zëdhënësit për Çështjet Publike për informacione të detajuara.

Blinken gjithashtu u shpreh se vete nuk ka folur me Soros, duke thënë se “s’mund të flasë në emër të gjithë DASH”.  

Pjesë nga biseda:  

LEE ZELDIN: Keni njoftuar për sanksione ndaj ish-Presidentit të Shqipërisë, Sali Berisha. Çfarë informacionesh mund të ndani për të justifikuar këtë lëvizje dramatike?

ANTONY BLINKEN: Faleminderit, ne vijojmë të shohim përtej kufijve dhe ata të përfshirë në korrupsion që shkelin të drejtat e njeriut, që sfidojnë parimet e demokracisë. Në këtë çështje procesi u zhvillua normalisht.

LEE ZELDIN: A ka ndonjë informacion specifik që mund të ndani me Komisionin këtë radhë?

ANTONY BLINKEN: S’kam çfarë të ndaj me ju tani, por do të doja që mund ta ndajmë me ju dhe me këdo që është i interesuar.

LEE ZELDIN: Kam bërë disa kërkime për përfshirje korruptive të tij dhe s’mund të gjeja asgjë.

ANTONY BLINKEN: E para, ejani në Zyrën e Legjislacionit, përpara se të dalë në medie, në mënyrë që të sigurosh informacion dhe, e dyta, eja në Zyrën e Zëdhënësit për Çështje Publike dhe ne do tentojmë që t’iu sigurojmë informacion në përputhshmëri me obligimet tona.

LEE ZELDIN: A jeni ju në dijeni për burime të hapura informacioni që mbështesin pretendimet se ka patur korrupsion në të cilin është përfshirë Berisha?

ANTONY BLINKEN: Jam i sigurt se çdo gazetar mund ta bëjë atë pyetje në deklaratat për media që ne mbajmë çdo ditë në DASH për të marrë çdo informacion që kemi në dispozicion për publikun.

LEE ZELDIN: Për të qartësuar diçka lidhur me mbrojtjen e z.Berisha, thjesht po përpiqem të kuptoj se çfarë është e vërtetë dhe çfarë jo, a keni komunikuar ju apo dikush në emrin tuaj me Sorosin?

ANTONY BLINKEN: Unë jo s’mund të flas në emër të gjithë DASH, por unë jo.