Flash News

Elez Biberaj: Protestat nuk janë kundër Trumpit, por kundër kleptokracisë

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

E-TJERA

Der Standard: Meloni dërgon kriminelë të dënuar në kampet e Shqipërisë

Politiko 13 Prill 2025, 19:11

Der Standard: Meloni dërgon kriminelë të dënuar në

Gazeta gjermane Der Standard ka komentuar së fundmi zhvillimet rreth marrëveshjes mes Italisë dhe Shqipërisë për vendosjen e emigrantëve në kampet e dëbimit në territorin shqiptar. Sipas raportimeve, qeveria italiane, e udhëhequr nga Giorgia Meloni, ka ndryshuar strategji dhe po përdor kampet jo për azilkërkuesit që mbërrijnë me gomone, por për emigrantët që kanë kryer vepra penale dhe ndaj të cilëve është lëshuar urdhër dëbimi nga autoritetet italiane.

Mediat gjermane raportojnë se një grup prej 40 emigrantësh, nga vende si Maroku, Tunizia, Algjeria, Nigeria, Egjipti, Pakistani, Bangladeshi, Gjeorgjia dhe Moldavia, u transferuan natën nga qelitë në Itali drejt portit të Brindisit. Aty u ngarkuan në anijen ushtarake italiane Libra dhe mbërritën në portin e Shëngjinit, për t’u sistemuar më pas në kampin e Gjaderit, 20 kilometra larg.

Disa prej të dërguarve ishin të dënuar për krime të rënda, përfshirë vepra seksuale, tentativë vrasjeje dhe vjedhje. Megjithatë, një pjesë e mirë e tyre nuk kishin precedentë penalë, por ishin ndaluar për mungesë dokumentacioni qëndrimi.

Marrëveshja dypalëshe parashikon që emigrantët të mbahen deri në 18 muaj në kampet shqiptare përpara se të deportohen në vendet e tyre të origjinës.

Një projekt i shtrenjtë dhe i kritikuar

Opozita në Itali e ka cilësuar këtë projekt si një “skemë të dështuar” që, sipas saj, i ka kushtuar buxhetit italian mbi një miliard euro. Kjo është tentativa e katërt për vënien në funksion të kampeve në Shqipëri, pasi tre përpjekjet e mëparshme janë bllokuar nga gjykatat italiane për shkelje të të drejtave dhe mangësi ligjore.

Fillimisht, kampet ishin parashikuar për azilkërkues të kapur në det përpara hyrjes në territorin italian, të cilët do t’i nënshtroheshin një procedure të përshpejtuar azili që zgjaste maksimumi 30 ditë. Por me ndryshimin e strategjisë, qeveria Meloni po përpiqet t’i justifikojë shpenzimet përmes vendosjes së emigrantëve që tashmë ndodhen në territorin italian dhe janë të dëbuar.

Kritikët e shohin këtë si një devijim të qartë nga qëllimi fillestar dhe një përpjekje për të shpëtuar politikisht nga një projekt që po merr gjithnjë e më shumë kritikë, si në Itali, ashtu edhe në arenën ndërkombëtare.

Të fundit