Ja pse nuk duhet të votosh më Partinë Socialiste pas 12 viteve qeverisje

Kandidati për deputet i Partisë Demokratike në Dibër Përparim Spahiu ka rreshtuar në një shënim në facebook arsyet pse nuk duhet votuar Partia Socialiste pas 12 vjet qeverisje.

Ai ka bërë thirrje për të votuar PD dhe ka dhënë edhe arsyet e shumta programore që shqiptarët të jenë të bindur që ta bëjnë këtë.

Mesazhi :

Pse nuk duhet të votosh më Partinë Socialiste pas 12 viteve qeverisje?

1. Shpopullimi masiv

Që nga viti 2013, mbi 700,000 shqiptarë janë larguar nga vendi. Ata nuk gjetën shpresë, punë apo të jetojnë me dinjitet në Shqipëri.

2. Rritja e kostos së jetesës

Çmimet e ushqimeve, energjisë dhe karburantit janë rritur ndjeshëm, ndërsa pagat dhe pensionet mbeten ndër më të ulëtat në rajon.

3. Dështimi për të sjellë zhvillim real

Shqipëria ka mbetur në vendnumëro, madje ka bërë regres në arsim, shëndetësi, bujqësi dhe integrimin europian.

4. Mungesa e kontrollit dhe balancës së pushtetit.

Qeveria kontrollon të gjitha bashkitë dhe parlamentin, duke heshtur çdo zë kritik dhe zhdukur çdo balancë demokratike.

5. Korrupsion në çdo sektor

Nga doganat te shëndetësia, nga tenderat te drejtësia, korrupsioni është bërë normë.

Pse Partia Demokratike?

• Sepse ka një plan të qartë ekonomik: taksë e sheshtë 10%, TVSH më të ulët, ndihmë të drejtpërdrejtë për familjet në nevojë.

• Sepse propozon zgjidhje konkrete:

– Karta e Konsumatorit për pensionistët

– Lehtësira për punësim dhe arsim profesional për të rinjtë

• Sepse garanton llogaridhënie dhe ndarje reale të pushtetit, jo arrogancë dhe kapje institucionale.

• Sepse ofron një qeveri me njerëz të rinj, të ndershëm dhe të gatshëm të punojnë për qytetarët, jo për oligarkët.

• Sepse Shqipëria meriton më shumë se varfëri, shpopullim dhe padrejtësi.

Voto për Partinë Demokratike, voto për ndryshim, dinjitet dhe shpresë.