Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Refuzoi Amerikën për t’i shërbyer Pogradecit, Genti Çela tregon për jetën në “Elevate”

Politiko 8 Maj 2025, 20:26

Refuzoi Amerikën për t’i shërbyer Pogradecit, Genti

Në një rrëfim për emisionin “Elevate by Floriana Garo”, Genti Çela, kandidati i opozitës në qarkun e Korçës dhe kryetar i Partisë Demokratike në Pogradec, tregoi historinë e jetës së tij, që nga fëmijëria në qytetin liqenor, studimet, përfshirja në kauzat sociale dhe deri tek zgjedhja për të qëndruar në Shqipëri, përkundër mundësive për të emigruar.

“I jam larguar Pogradecit vetëm për shkak të studimeve. E kam parë se si qyteti im është shpopulluar me kalimin e viteve, edhe pse ka të gjitha mundësitë për t’u zhvilluar,” u shpreh Çela, duke e cilësuar vendimin për të jetuar aty si një këmbëngulje personale dhe mision.

Çela, i diplomuar në drejtësi, tregoi se tre vitet e para të studimeve i ka kryer në Strugë dhe dy të fundit në Tiranë. “Struga ishte një eksperiencë shumë e mirë për vetë-njohje, ndërsa në Tiranë gjeta të ngjashmit e mi. E megjithatë, gjithmonë e kam ndier veten pjesë të Pogradecit, edhe kur kam qenë përtej oqeanit.”

Në një pjesë të intervistës Genti Çela rrëfeu se, në kulmin e angazhimit të tij politik në qytetin e Pogradecit, kishte fituar lotarinë amerikane. Por, ndryshe nga shumë të rinj që do të shihnin këtë si një mundësi për të ndërtuar një jetë të re larg Shqipërisë, Çela zgjodhi të qëndrojë.

“Ishte koha kur sapo isha përfshirë në procesin e rikthimit të Partisë Demokratike dhe isha zgjedhur kryetar i degës në Pogradec. Dy javë më pas, mora përgjigjen pozitive për lotarinë amerikane. Por unë nuk u largova. E përdora këtë fakt për t’i treguar të gjithëve se Amerika nuk është gjithçka – që ndryshimi mund dhe duhet të ndodhë këtu, në vendin tonë,” u shpreh ai.

Përtej politikës, Genti Çela është i angazhuar edhe në një fondacion që ndihmon familjet në nevojë. Ai rrëfeu për eksperiencën e tij duke vizituar shtëpi të braktisura, ku çdo histori që dëgjonte, e bënte më të vetëdijshëm për realitetin e vështirë të shumë bashkëqytetarëve.

“Fatmirësisht, përmes fondacionit kemi arritur të strehojmë disa familje që jetonin në kushte ekonomike ekstreme. Sot, përpiqem të jem sa më pranë tyre, jo vetëm për ndihmë materiale, por edhe për t’u dhënë shpresë.”



 

Të fundit