Flash News

Detaje nga vrasja e Renis Dobrës, dyshohet se autorët i bënë pritë me armë makinës së 23-vjeçarit

Skandal në aeroportin e Beogradit/ Autobusi me shqiptarë bllokohet nga policia, më pas mbyllen te avioni

Aksident në Kosovë, raportohet për 1 viktimë dhe 4 të plagosur

Apeli i GJKKO lë në fuqi dënimin me burg për Gjergj Cukalin

I vuri zjarrin banesës së hallës, arrestohet vlonjati

OPINEWS

Aeroporti i Vlorës/ Kur ligji shkelet hapur ‘live’ në televizor dhe në burg shkojnë ata që rregullojnë çatinë

Politiko 8 Maj 2025, 16:28

Aeroporti i Vlorës/ Kur ligji shkelet hapur ‘live’ në

Nga Ola Xama

Problemi më i madh me aeroportin e Vlorës nuk është ngritja e një avioni privat për ta shitur veprën si të përfunduar dhe për të fituar pikë elektorale 3 ditë përpara zgjedhjeve. Kjo metodë tregon thjesht vjetërsinë e mendësisë politike që nuk ka ndryshuar aspak në vendin tonë gjatë 2 dekadave të fundit.
Problemi nuk është as kur gënjehet nga ministrja e Infrastrukturës dhe Energjisë se vepra është marrë në dorëzim. Aeroporti nuk është marrë në dorëzim se nuk është i shtetit, por i privatit dhe shteti e merr pas 35 vjetësh. Punimet për aeroportin po ashtu nuk janë kolauduar dhe nuk quhet i përfunduar.
Problemi me aeroportin e Vlorës është penal. Aty ka ndodhur krim mjedisor sepse avionët do të fluturojnë mbi një zonë të mbrojtur, të njohur për shpendët shtegtarë të cilët mund të përbëjnë rrezik për sigurinë e udhëtimeve, por dhe largimin e këtyre specieve si pasojë e zaptimit të hapësirës nga avionët.
Krimi i dytë është ndërtimi pa leje, i lejuar dhe bekuar nga vetë kryeministri Edi Rama. Si kryetar i Këshillit Kombëtar të Territorit, Edi Rama ka firmosur lejen e ndërtimit për Aeroportin e Vlorës në datën 7 shkurt 2023, por punimet kanë nisur më 28 nëntor 2022. I pranishëm në ceremoni ka qënë vetë kryeministri.
Ndaj problemi me qeverisjen e Edi Ramës nuk janë premtimet që bën në fushatë dhe inagurimet e rreme në prag të zgjedhjeve. Problemi qëndron te filozofia e qeverisjes dhe raporti që ka me zbatimin e ligjit- ligji shkelet hapur ‘live’ në televizor- ndërsa në burg shkojnë ata që rregullojnë çatinë.

Të fundit