Mustafaj: Krenar për fushatën e denjë të PD

I ftuar në Syri tv, Zëdhënësi i Fushatës Elektorale të PD, Andi Mustafaj, ka komentuar fushatën e PD dhe programin e opozitës për qeverisjen e ardhshme por edhe vendimin e DASH për kreun e PD Berisha.

Andi Mustafaj: Ne kemi parë kudo që kemi shkuar një entuziazëm në rritje. Një konfirmim edhe një herë të asaj që ata prisnin.

Është diçka që kërkon kohë të thyhet sepse e kemi patur gjithmonë shpresën që ndërkombëtarët do të merrnin vendime e duhura në vendin tonë. Dhe për  një kohë të gjatë ata i kanë marrë ato vendimet e duhura derisa ne u bëmë pak dembelë, dembelë intelektualë e quaj dhe nuk e kemi luajtur atë raportin e forcës. Sepse politika ndërkombëtare është një raport forcash i ndryshueshëm.

Në çdo moment mund të ndryshojë përderisa ti nuk e bën punën tënde. Dhe fatkeqësisht për ne, Rama me Vuçiç e me të tjerë kanë bërë një lojë jo të mirë, por të efektshme në llojin e tyre në lobimin ndërkombëtar.

Qytetarët në terren e pritshin këtë konfirmim si një konfirmim personal si një hov që kishin si nevojë që të arrinin në fushatë. Edhe pse është heqja e të gjithë justifikimeve që ne na vendoseshin kundër.

Kjo ishte barriera e fundit që vendosej kundër Partisë Demokratike dhe demokratët, por tashmë edhe qytetarët e kanë kuptuar këtë.

Sepse gjithë këto vite gjenin justifikime fallso për të kundërshtuar PD. Jo nuk keni vulën, jo nuk keni bashkimin, jo nuk keni aleatë, jo nuk keni të rinjtë, jo nuk keni persona me eksperiencë, ju e keni kryetarin në arrest shtëpie, jo on grata.... Pra të gjithë justifikimet.

Kjo është në nderin e të gjithë drejtuesve të PD e gjithë demokratëve që kanë punuar në mënyrë të pareshtur gjatë këtyre viteve me bindjen për të arritur aty ku duhet të arrinim.

Pra qytetarët në terren e dinë se kjo ishte pengesa e fundit. Vetëm kjo kishte mbet. Të gjithë të tjerët i kishim zgjidhur me kohë. Dhe fakti që u hoq. U ka dhënë atyre një besim një entuziazëm, një hov që unë jam i bindur që do të ketë impakt në zgjedhjet e 11 majit. Nuk flas vetëm për demokratët por edhe për qytetarët e thjeshtë që ndoshta për shkak të propagandës së pareshtur, kanë pasur një lloj stepje.

Regjimet autokratike mbjellin frikën. Dhe mbahen në këmbë mbi perceptimin e një klime frike të përhershme ku qytetari është i trysnuar, është i tendosur dhe merr vendimet e gabuara politike sepse nuk i merr me ndërgjegjen e forcës që ka si qytetar.

 

Pra pengesa e fundit ra, dhe qytetarët do arrijnë të zgjedhin me ndërgjegjen e tyre.

E kanë parë një fushatë pozitiviste mbi programin për njerëzit, me asnjë lloj shkelje që ka bërë Partia Demokratike. Dhe jam shumë krenar për këtë. Në kemi bërë fushatën më të mirë të mundshme në kushtet më të vështira kundër një regjimi autokratik dhe kemi treguar shqiptarëve që jemi ngjitur në nivelin që e kërkon përgjegjësia.

 

Zoti Berisha si kryetar i opozitës sillet si kryetar i gjithë shqiptarëve. Në të gjitha fjalimet e tij thërret administratën publike që ata të mos kenë frikë. Kudo thotë që programi ynë është për të majtë dhe të djathtë. I thotë administratës të bëjë rolin e saj.

 

Kemi një përbashkim të madh të modelit të familjes, të gruas, të modelit të sipërmarrjes, të fermerit. Ai sillet tashmë, prej kohësh, si kryetar i gjithë shqiptarëve.

 

Kurse përpara ke një kryeministër i gjithë shqiptarëve, Edi Rama që  thotë mos dilni të votoni, jeni kështu, jeni ashtu. Është separatist komplet. Është turp. Sepse do të vijë një ditë që shqiptarët do ta kuptojnë se sa e fortë ka qenë beteja që ne kemi bërë për përparimin. Dhe do ndëshkojë dhe dënojë historikisht Edi Ramën për gjithë këtë të keqe që i ka bërë popullit shqiptar.

E ka thënë shpesh edhe zoti Berisha në 12 vite edhe po të kishim qene ne luftë nuk do kishin ikur kaq shumë shqiptarë.