Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

Dinamika e atentatit të 3-fishtë në Fushë-Krujë, Diklen Vata kishte pikasur autorët, lëvizjet e fundit të të rinjve

Politiko 19 Korrik 2022, 14:01

Dinamika e atentatit të 3-fishtë në Fushë-Krujë, Diklen

Diklen Vata, Brilant Martinaj dhe Besmir Hoxha janë tre viktimat e atentatit të ndodhur pasditen e së dielës në mbikalimin e Fushë-Krujës. Vata u qëllua jashtë mjetit nga autorët, ndërsa Martinaj dhe Hoxha u gjendën brenda mjetit të shkrumbuar.

Detaje të reja kanë dalë nga vrasja e tre të rinjve, të cilët kishin lidhje të ngushta me njëri-tjetrin. Dyshohet që viktimat ta kenë vënë re makinën që i ndiqte nga pas, shqetësim të cilin Diklen Vata ia ka shprehur së motrës.

Referuar dëshmive të dhëna në polici, mësohet se Vata ka telefonuar motrën e tij pak minuta para ngjarjes ku i ka thënë se dikush ishte duke i ndjekur nga pas me mjet.

Po ashtu, bëhet me dije se të gjithë personat e dyshuar si autorë në ngjarje janë larguar nga vendi vetëm një jave para se të ndodhte atentati. Kjo është verifikuar edhe përmes sistemit TIMS.

Ndërsa referuar pamjeve të kamerave të sigurisë, atë ditë tre viktimat kanë konsumuar një kafe në afërsi të zonës së Rinasit dhe më pas janë nisur me mjet drejt Fushë-Krujës. Para se të arrinin në mbikalimin ku ndodhi atentati, Vata, Martinaj dhe Hoxha kanë ndaluar në një restorant ku kanë parkuar makinën e tyre.

Më pas janë larguar drejt Kamzës në një servil makinash me mjetin e një mikut të tyre,për të parë nëse makina që kishin lënë për të rregulluar ishte gati. Duke qenë se mjeti nuk kishte përfunduar servisin, të tre janë marrë nga miku i tyre dhe janë rikthyer në restorant.

Pasi kanë marrë nga parkingu mjetin e tyre tip Volkswagen Passat, janë nisur drejt Laçit. Pikërisht, kur mjeti ka mbërritur në mbikalimin e Fushë-Krujës, viktimat janë qëlluar me breshëri kallashnikovi.

Për pasojë, mbeti i plagosur Diklen Vata i cili arriti të dalë nga mjeti gjallë, por autorët e ndoqën dhe e qëlluan derisa u siguruan që Vata ndërroi jetë. Ndërsa  Besmir Hoxha dhe Brilant Martinaj u shkrumbuan brenda mjetit.

Të fundit