Flash News

Me simbolin e shqiponjës, Torino prezanton blerjen e mbrojtësit të Kombëtares shqiptare

Zhdukja e Eraldo Muçit, zbardhet dëshmia e nënës së tij: Djali im ishte shok me Sançon

28 të arrestuar në Itali e Spanjë për trafik droge, mes tyre një shqiptar

Banorët përplasen me policinë në Theth: Jemi në tokën tonë

Rihapet çështja e vrasjes së mësueses italiane, e dyshuar një 47-vjeçare shqiptare

E-TJERA

Çështja e detit dhe e ushtarëve grekë/ Xhaçka sot në Athinë, dy orë bisedime me Dendias

Politiko 2 Dhjetor 2022, 09:13

Çështja e detit dhe e ushtarëve grekë/ Xhaçka sot

Ministria e Jatshme, Olta Xhaçka ka udhëtuar sot drejt Greqisë, ku do të zhvillojë një vizitë zyrtare. Ajo do të pritet në Athinë nga homologu Nikos Dendias. Është parashikuar që bisedimet e tyre të zgjasin rreth dy orë.

Sipas njoftimit për shtyp të ministrisë së Jashtme greke, në fokus të bisedimeve do të jenë çështje si tekstet shkollore, çështja e varrezave të të rënëve grekë në luftën e dytë botërore dhe kryesorja ajo e detit.

Pritet që kryediplomatët e dy vendeve të diskutojnë se si duhet përshpejtuar procesi i zgjidhjes së kësaj çështjeje, për të cilën palët i janë drejtuar për zgjidhje Gjykatës së Hagës.

Pak informacion për çështjen e detit

Në tetor të 2020-ës, Shqipëria dhe Greqia vendosën t’i drejtohen drejtësisë ndërkombëtare për të zgjidhur debatin mbi delimitimin e hapësirës detare ndërmjet dy shteteve fqinje. Lajmi u njoftua asokohe gjatë vizitës së Nikos Dendias në Tiranë.

Kundërshtitë mes palëve duket se janë shfaqur kur nisën negociatat për një marrëveshje lidhur me ndarjen e hapësirave detare në Detin Jon, në vitin 2018, që u pezulluan në verën e 2019-ës. 

Në vitin 2009 Gjykata Kushtetuese (GJK) hodhi poshtë Marrëveshjen e Detit mes Shqipërisë dhe Greqisë. Konventa e të Drejtës së Detit, e miratuar në Montego Bay në vitin 1982, e ratifikuar nga të dyja vendet fqinje, u jep vendeve që e kanë ratifikuar të drejtën të zgjerojnë ujërat e tyre territoriale deri në 12 milje. Por vetëm, nëse këtë e lejojnë rrethanat gjeografike.  

Shqipëria dhe Greqia ndajnë në Detin Jon tri hapësira: Det Territorial, Shelf Kontinental dhe Zona Ekonomike Ekskluzive. Këto dy të fundit kanë të bëjnë me shfrytëzimin e hapësirës dhe pasurive nëndetare, si kërkimet për gaz, naftë etj. Për të tria këto hapësira dy vendet fqinje kanë interesa strategjike. 

Konventa e Kombeve të Bashkuara për Ligjin e Detit e thotë qartë në 320 nenet e saj, se secili vend  ushtron “sovranitet të plotë dhe të drejta sovrane në një zonë të përcaktuar qartë, me koordinata detare, të vendosura në një hartë të dakordësuar dhe të shoqëruar me koordinata detare për 3 hapësirat.”

Të fundit