Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

Euroactiv: Pavarësisht numrit të lartë të aksidenteve, deputetët shqiptarë propozojnë uljen e gjobave dhe rritjen e shpejtësisë

Politiko 25 Tetor 2022, 09:45

Euroactiv: Pavarësisht numrit të lartë të aksidenteve,

Tre deputetë të Partisë Demokratike, Helidon Bushati, Flamur Hoxha dhe Lefter Gështenja kërkuan ndryshime në Kodin Rrugor, duke përfshirë uljen e gjobave dhe rritjen e kufijve të shpejtësisë, pavarësisht numrit të lartë të fataliteteve në rrugë, shkruan Euroactiv.

Në nëntë muajt e parë të vitit 2021, 151 persona humbën jetën në Shqipëri për shkak të aksidenteve automobilistike, një numër i konsiderueshëm duke marrë parasysh popullsinë prej 2.7 milionë banorësh dhe faktin se ajo ka pronësinë më të ulët të makinave në Europë.

Sipas të dhënave nga autoritetet, në fund të vitit 2021, vetëm 20% e popullsisë zotëron një automjet. Shkaku kryesor i aksidenteve vdekjeprurëse është shpejtësia dhe pakujdesia. Por tre deputetë të Partisë Demokratike depozituan një projekt-ligj në parlament duke kërkuar që shpejtësia maksimale në rrugë të caktuara të rritet në 120 km/h në përputhje me standardet ndërkombëtare, nga 110 km/h që është aktualisht. Ata kërkuan edhe përgjysmimin e gjobave, duke pasur parasysh nivelin e ulët të pagës mesatare.

“Ky ndryshim është konsideruar edhe për nivelin mesatar të pagës në vendin tonë, ku aktualisht kufiri maksimal i gjobave është gati katërfishi i pagës minimale”, thuhet në draft.

Ata propozuan gjithashtu që të shmanget pezullimi i patentës duke paguar një gjobë sa dyfishi i shumës normale. Gjithashtu u propozuan ndryshime në kornizën kohore gjatë së cilës duhet të paguhen gjobat, duke i zgjatur ato në dhjetë ditë për t'u siguruar që qytetarët të kenë më shumë kohë për t'i paguar ato pa u penalizuar më tej.

Së fundi, ata thanë se lejet e drejtimit duhet të lëshohen për një kohë të pacaktuar për moshat mbi 55 vjeç. Ndërkohë, në vitin 2021, aksidentet automobilistike dhe viktimat janë rritur me mbi 13%. Deri më tani, në vitin 2022, shifrat kanë regjistruar një rënie të lehtë, por ka pasur ende 134 viktima dhe të plagosur vetëm në shtator. Përsëri, shkaku kryesor ishte sjellja e shoferit. Për gjithë vitin 2022 deri më tani, 1257 persona janë plagosur ose vrarë në rrugët e Shqipërisë.

 

Të fundit