Flash News

Dalin në shitje biletat për sfidën Angli-Shqipëri, ja si mund t’i merrni

Berisha: Kërkova hetim ndërkombëtar për 21 Janarin, por Ina Rama refuzoi, përgjegjësinë e ka Rama

Abuzimi me tenderin e rrugës Kardhiq-Delvinë, SPAK kërkon një vit burg Sonila Qaton

Parandalohet një ngjarje kriminale në Durrës, arrestohen tre persona me armë dhe automjete të blinduara

Përfshihet nga flakët qendra tregtare në Vorë

E-TJERA

Gonzato dorëzon progres-raportin e KE, kërkon dialog konstruktiv, kritika për ndërhyrjet në gjyqësor

Politiko 31 Tetor 2024, 11:53

Gonzato dorëzon progres-raportin e KE, kërkon dialog konstruktiv,

Ambasadori i Bashkimit Evropian në Tiranë, Silvio Gonzato i ka dorëzuar progres-raportin e KE kryeministrit Edi Rama.

Në një konferencë të përbashkët me Ramën, ambasadori i BE theksoi se ka një nevojë urgjente për dialog konstruktiv mes palëve politike, si bazë për një shtet demokratik.

Gonzato shprehu kritika për ndërhyrjet dhe trysnitë politike në sistemin e gjyqësorit, si edhe emërimet e magjistratëve në KLGJ dhe KLP.

“Raporti njeh plotësisht faktin se Shqipëria është në harmonizim të plotë me politikën e jashtme të BE-së. Komisioni sheh një mundësi që të përshpejtohet procesi i anëtarësimit në BE.

Nëse hapi i reformave përshpejtohet, Shqipëria mund të çelë të gjithë grupkapitujt deri në fund të 2025. Komisioni deklaron se është gati të mbështesë objektivin ambicioz të Shqipërisë për të mbyllur negociatat deri në 2027. Raporti i 2024 për Shqipërinë ofron orientim të rëndësishëm, rekomandimet dhe masat për vitin që vjen.

Mesazhi kryesor këtu është nevoja urgjente për të rindërtuar një dialog konstruktiv gjithëpërfshirës politik dhe kjo është thelbësore për sistemin demokratik të Shqipërisë, por gjithashtu edhe për mundësinë për të realizuar reformat e lidhura me BE. Funksioni i gjyqësorit, komisioni vëren disi progres në këtë fushë, sidomos me afrimin drejt fundit të procesit të vettingut që është një gur themeli kryesore. Shqetësimet mbeten për sa i përket orvatjeve për ndërhyrje dhe trysni politike në sistemin gjyqësor si dhe mangësi sa i takon emërimeve bazuar në meritë të anëtarëve jo magjistratë në KLGJ dhe KLP. Raporti jep rekomandime specifike për të trajtuar këto çështje”, tha ndër të tjera Gonzato.

 

Të fundit