Flash News

E-TJERA

Ish-ministrja Beqiraj tregon pse u largua nga qeveria Rama: Zgjodha gjuhën e mprehtë

Ish-ministrja Beqiraj tregon pse u largua nga qeveria Rama: Zgjodha gjuhën

Irena Beqiraj, ish-ministre e Financave në qeverinë Rama, ka treguar arsyet e largimit nga kampi i socialistëve.

E ftuar në MCN, Beqiraj tha se ishte shumë e vjetër për t’u përshtatur. Beqiraj u shpreh se zgjodhi të ishte “e mprehtë” dhe të thoshte të drejtën, ndaj vendosi të largohej nga qeveria e Ramës.

“Ajo që unë kuptova shumë shpejt në ato korridore se unë isha shumë e vjetër për të mësuar përshtatjen si numër 1, dhe me koshiencë zgjodha mos të përshtatem, me koshiencë zgjodha këtë gjuhën e mprehtë dhe aspak të rrumbullakosur dhe të them atë që është e drejtë dhe për këtë arsye me koshiencë vendosa të mos kem asnjë lloj karriere në politike.

Në këtë aspekt mendoj se i jam Ramës borxhli. Mund të kisha ndenjur në grupin e qeverisë Rama sa të doja unë, problemi qëndron se unë jam një personalitet mbase i vështirë dhe më mungon elasticiteti dhe përshtatja, konformizmi, kështu që duke qenë moskonformiste dhe duke parë që një pjesë e mirë e imja ndryshonte nga grupi, vendosa që të largohem nga aty”, tha Beqiraj.

 

Të fundit