Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

E-TJERA

Kërcënuan Armand Dukën, gjykata cakton “arrest në burg” për presidentin e klubit “Iliria” dhe nipin e tij

Politiko 4 Shtator 2024, 13:16

Kërcënuan Armand Dukën, gjykata cakton “arrest në

Gjykata e Durrësit ka caktuar masën e sigurisë “arrest në burg” për presidentin e klubit "Iliria" të qytetit të Fushë-Krujës, Nazmi Selmani dhe nipin e tij, Petrit Selmani, të cilët kërcënuan kreun e FSHF, Armand Dukën.

Për tre të tjerët është caktuar masa e sigurisë “detyrim paraqitje”. Ishte Duka i cili denoncoi se kishte marrë nga ta mesazh "kërcënues" dhe më pas i ishin afruar pranë ambienteve të banesës së tij.

“1. Vleftësimin e ligjshëm të arrestimit në flagrancë të personave nën hetim N. Selmani, S. Selmani, B. Selmani, P. Selmani dhe R. Loci, të dyshuar për kryerjen e veprës penale “Kanosja për shkak të detyrës”, në bashkëpunim, parashikuar nga neni 238/1 e 25 të Kodit Penal.

2. Caktimin e masës së sigurimit personal “Arrest në burg” parashikuar nga neni 238 i K.Pr.Penale, ndaj personave nën hetim N. Selmani dhe P. Selmani.

3. Caktimin e masës së sigurimit personal “Detyrim për tu paraqitur në policinë gjyqësore” parashikuar nga neni 234 i K.Pr.Penale, ndaj personave nën hetim S. Selmani, B. Selmani dhe R. Loci.

4. Urdhërohen personat nën hetim S. Selmani, B. Selmani dhe R. Loci të paraqiten në Prokurorinë pranë Gjykatës së Shkallës së Parë e Juridiksionit të Përgjithshëm Durrës, të Hënën e parë dhe të fundit të çdo muaji, ora 10:00.

5. Urdhërohet lirimi i menjëhershëm i personave nën hetim S. Selmani, B. Selmani dhe R. Loci, nga salla e gjykimit, nëse nuk mbahen për ndonjë shkak tjetër ligjor.

6.Urdhërohet Prokuroria dhe Policia Gjyqësore për zbatimin e këtij vendimi.

7. Kundër këtij vendimi mund të bëhet ankim brenda 5 (pesë) ditëve në Gjykatën e Apelit të Juridiksionit të Përgjithshëm Tiranë, duke filluar ky afat nga e nesërmja e komunikimit të vendimit të arsyetuar.

U shpall sot në Durrës, më datë 04 Shtator 2024”, thuhet në vendim.

Të fundit