Flash News

Gjendet i pajetë 71-vjeçari nga Kamenica, ishte shpallur i humbur prej tre ditësh

Aksident tragjik në Autostradën “Ibrahim Rugova”, humb jetën një grua nga Fushë-Kruja

Drejtësia amniston Xhaçkën, Apeli i Posaçëm vendosë të mos hetojë ish-ministren

Berisha vlerëson raportin e OSBE: I kanë rrëzuar përtokë zgjedhjet

Gjykata e Lartë kthen për rigjykim ankimimin e Arbër Veliajt

E-TJERA

Korrupsioni mbetet ‘ves’ në Shqipëri, të dënuarit nga drejtësia në 17 vite

Politiko 7 Janar 2023, 15:47

Korrupsioni mbetet ‘ves’ në Shqipëri, të

Nga viti 2004 deri 2021 nga gjykatat shqiptare janë dënuar me vendim të formës së prerë 6170 persona për vepra penale korruptive. Sipas një analize të bërë nga Open Data Albania, viti 2016 ka numrin më të lartë të dënimeve për vepra korruptive.

Në Shqipëri procedimet penale mbi korrupsionin ndahen në 6 grupe, përkatësisht: Korrupsioni në Sektorin Publik, Konflikti i Interesave dhe deklarimi i pasurisë, Korrupsioni i Funksionarëve, Korrupsioni në Sistemin Gjyqësor, Korrupsioni në Sektorin Privat dhe Falsifikimi.

Korrupsioni mbetet ‘ves’ në Shqipëri, të

Veprat penale ndër më të spikatura të lidhura me korrupsionin, për shkak të numrit të madh të të dënuarve si pasojë e kryerjes së këtij krimi janë: shpërdorimi i detyrës; korrupsioni pasiv dhe aktiv i personave që ushtrojnë funksione publike; ushtrimi i ndikimit të paligjshëm ndaj personave që ushtrojnë funksione publike etj.

Nga viti 2015 e në vazhdim procedimeve penale mbi korrupsionin i është shtuar dhe grupi i Falsifikimeve. Në këtë grup kryesojnë të dënuarit për Falsifikim Dokumentesh dhe ato për falsifikim të letërnjoftimeve, pasaportave ose vizave.

Për veprën penale “Shpërdorim i detyrës”, gjatë harkut kohor 2004-2021, janë dënuar gjithsej 1 894 persona si pasojë e kryerjes së kësaj vepre penale, pra mesatarisht 105 persona në vit.

Korrupsioni pasiv i personave që ushtrojnë funksione publike është ajo vepër penale për të cilën dënohen mesatarisht 18 persona çdo vit. Viti me numrin më të lartë të të dënuarve është viti 2015 ku janë dënuar 50 persona për kryerjen e kësaj vepre penale.

Shkelja e barazisë së pjesëmarrësve në tendera apo ankande publike është një tjetër formë korrupsioni e aplikuar në Republikën e Shqipërisë. Gjatë viteve 2004-2021 janë dënuar gjithsej 113 persona nga ku pjesa më e madhe janë dënuar në vitin 2008, rreth 23% ndaj totalit të personave që janë dënuar për shkelje të barazisë së pjesëmarrësve në tendera apo ankande publike.

Korrupsioni mbetet ‘ves’ në Shqipëri, të Korrupsioni mbetet ‘ves’ në Shqipëri, të Korrupsioni mbetet ‘ves’ në Shqipëri, të Korrupsioni mbetet ‘ves’ në Shqipëri, të Korrupsioni mbetet ‘ves’ në Shqipëri, të

Falsifikimi është një tjetër formë korrupsioni e dënueshme me burg. Në këtë kategori janë dënuar mesatarisht 350 persona çdo vit. Në vitin 2021 janë dënuar për falsifikim 190 persona, nga të cilët 76 për falsifikim dokumentesh, 2 për falsifikim kompjuterik, 66 persona për falsifikim të letërnjoftimeve, pasaportave apo vizave dhe 46 persona për falsifikim të vulave, stampave ose formularëve.

Korrupsioni mbetet ‘ves’ në Shqipëri, të

Të fundit