Flash News

E-TJERA

Kosova ashpërson masat, kuksianët protestojnë në Morinë: Presim të hiqet dogana, këta nxjerrin vaksinën

Kosova ashpërson masat, kuksianët protestojnë në

Qeveria e Kosovës ka vendosur masa të reja në pikat e kalimit kufitar për shkak të rritjes së infeksioneve të Covid-19. Të gjitha personat që hyjnë në territorin e Kosovës duhet të kenë dozën e tretë të vaksinës.

Të shumtë kanë qenë qytetarët nga Kukësi që kanë protestuar në pikën kufitare të Morinës, duke kërkuar që të ketë një rishikim të masave në mënyrë që të lehtësohet lëvizja.

“Ne po presim që të hiqet dogana fare, këta na nxjerrin një vaksinë, të dytën, të tretën, të katërtën. Infektime ka edhe në Kosovë, por Kosova po vjen te ne”, ka thënë një nga qytetarët. “Ne jemi kufitarë. Ose ta bllokojnë ta mbyllin siç ka qenë atëherë”, ka thënë një tjetër.

Protestuesit kanë tentuar të bllokojnë rrugën për të ndaluar edhe futjen në Shqipëri, ndërsa ndërhyrja e policisë neutralizoi situatën.

Kujtojmë se edhe qytetarë të Maqedonisë së Veriut reaguan ashpër për masat e reja të vendosura nga qeveria e Kosovës, në kuadër të masave antiCovid. Ata u shprehën se nuk kanë mundur të informohen pasi vendimi është marrë shumë shpejt.

Të fundit