“Ku e di Felaj që deputetët do t’a votojnë?”, Fuga për rritjen e pagave: Çfarë talljeje me ligjin

Artan Fuga ka reaguar lidhur me debatin në Kuvend për rritjen e pagave edhe të deputetëve dhe ministrave. Në një status në “Facebook”, akademiku u ndal te një deklaratë e nënkryetares së Kuvendit, Ermonela Felaj e cila i kërkoi deputetëve të vijojnë me shpejtësi me diskutimet për shkak se ligji duhet dërguar te Presidenti në mesditë. 

Kjo pasi Presidenti i Republikës Bajram Begaj niset nesër për një vizitë zyrtare dy ditore në Itali dhe në të kundërt ligji do të dekretohej pas kthimit të tij.

Drejtuesja e seancës së sotme, nënkryetarja e Kuvendit Ermonela Felaj njoftoi kolegët se projektligji do të votohet në orën 14:30 para përfundimit të seancës dhe se Presidenti e ka dhënë pëlqimin për dekretimin e menjëhershëm.

“Ndërkohë kolegë ju njoftoj që Presidenti i Republikës ka dhënë pëlqimin për dekretimin e menjëhershëm të paketës së ligjeve për shkak edhe të largimit të tij në një vizitë jashtë vendit, në orën 14:30 ne do të votojmë përpara se të përfundojë seanca. Kështu që secili nga kolegët të shikojë edhe radhën e diskutimeve të tij në fjalë sepse në atë orë do të ndërpriten diskutimet për të kaluar në votim”, tha Felaj.

Artan Fuga e konsideroi komike dhe tallje këtë votim.

STATUSI I PLOTË:

Uaaaaauuuu, komike, këta kanë ikur nga fiqiri?

Shihni deri ku po shkon tallja, drama, tragjedia, budalliku!

Ore e dinë këta deputetët që janë live?

Kryetarja e seancës, zonja Felaj, njofton deputetët që duhet të nxitohen në diskutimet që bëjnë, pra ta aprovojnë shpejt ligjin për rritjen e rrogave, sepse Presidenti ka premtuar se do ta miratojë atë shpejt, meqë do të ikërka jashtë shtetit.

Boooooo, çmenduri!

Booooo! Ku e di zonja Felaj se deputetët do ta votojnë pozitivisht ligjin pa përfunduar votimi?
Booooo, ku e di Presidenti se çfarë do të ketë si përmbajtje ligji, pa mbaruar diskutimi në Kuvend?
Boooooo, si arrin Presidenti ta studjojë ligjin, të dëgjojë ekspertët duke e mliratuar në sekondë ligjin që ende nuk është aprovuar në Kuvend?
Boooooo, ku kanë arrituuuuur!

Cfarë talljeje me ligjin, me Kuvendin, me qytetarët dheeeeeee, me Presidentin!