Flash News

Departamenti i Shteti 'rrëzon' non grata-n: Berisha mund të vijë në Amerikë. Çfarë do të thotë, dhe pse u mor vendimi pak ditë para 11 majit?/ E SHPJEGUAR

Kërkimet për 29-vjeçarin në Klos, Kosova vjen në ndihmë me një kontingjent kërkim-shpëtimi

Kulla e heshtjes, ndërtimi 16-katësh që sfidon ligjin dhe komunitetin në zemër të Tiranës

Aksident në aksin Elbasan-Peqin, plagosen tre efektivë policie

Kamioni përplaset me ambulancën, policia: Infermieri dhe babai i pacientit mes të plagosurve

E-TJERA

Kuvendi miraton ndryshimet në Kodin Rrugor, ashpërsohen gjobat për tejkalim shpejtësie dhe përdorim të alkoolit

Politiko 7 Maj 2021, 13:42
Kuvendi miraton ndryshimet në Kodin Rrugor, ashpërsohen gjobat
Foto ilustruese

Kuvendi miratoi sot ndryshimet në Kodin Rrugor, të cilat parashikojnë masa më të ashpra ndaj shkelësve të rregullave. Forcimi i masave do të bëhet për rastet, ku ka tejkalim të shpejtësisë, mosmbajtje të rripit të sigurimit, përdorimit apo alkoolit.

Për drejtuesit e automjeteve do të vendoset gjobë nga 1,000-3,000 lekë nëse konstatohet se pasagjerët nuk e kanë vendosur rripin e sigurimit. Gjobë 5,000-15,000 lekë për përdorimin e celularëve gjatë drejtimit të makinës dhe tre muaj pezullim patente, nëse brenda vitit një drejtues është konstatuar tre herë nga policia, duke përdorur celularin.

Ndërsa për tejkalimin e shpejtësisë do të vendoset gjobë nga 1,000-3,000 lekë për tejkalim shpejtësie, jo më shumë se 10 km/orë nga shpejtësia e lejuar dhe nga 2,000-4,000 lekë për tejkalim shpejtësie deri në 30 km/orë nga ajo e lejuar. Ndërkohë për tejkalim shpejtësie 30-50 km/orë jashtë qendrave të banuara dhe 20-40 km/orë në zonat e banuara do të vendoset gjobë 5,000-15,000 lekë, tre muaj pezullim patente dhe reduktim pikësh.

Gjobë 10,000-20,000 lekë, 3-6 muaj pezullim patente dhe reduktim pikësh, për tejkalim me më shumë se 50 km/orë të shpejtësisë së lejuar jashtë qendrave të banuara dhe mbi 40 km/orë në zonat e banuara. Kur tejkalimi i shpejtësisë është përsëritur gjatë një periudhe dyvjeçare atëherë pezullohet patenta për 8-14 muaj nga 4-12 muaj që ishte më herët.

Sa i përket drejtimit të mjetit nën efektin e alkoolit, ndryshimet në Kodin Rrugor parashikojnë gjobë 5,000-15,000 lekë, nëse drejtuesit i konstatohet nivel alkooli deri në 0.3 gram/litër. Gjobë 10,000-20,000 lekë dhe pezullim patente nga 3-6 muaj nëse drejtuesit i konstatohet nivel alkooli 0.3-0.5 gram/litër.

Nëse konstatohet nivel alkooli 0.5-0.8 gram/litër, drejtuesi do të gjobitet me 10,000-20,000 lekë dhe pezullim patente 1-2 vite. Ndërsa për nivel alkooli 0.8-1.5 gram/litër gjobë 20,000-40,000 lekë dhe pezullim patente 1-2 vite. Gjoba shtohet deri në dy të tretat, në rast se drejtuesit konstatohen nën e efektin e alkoolit në orarin 22:00-07:00.

Të fundit