Flash News

Salianji paraqitet te Shërbimi i Provës pas lirimit me kusht: Betejën ligjore do e vazhdoj në Strasburg

U kërcënua me kallëzim nga Rama, prokurorja e Shkodrës letër KLP-së: Reagoni për sulmet politike

Korçë/ 40-vjeçari hidhet nga ballkoni i katit të pestë, në gjendje kritike

Kroacia rikthen shërbimin e detyrueshëm ushtarak

Ndërtimet pa leje në Theth, Manja kërkon procedim disiplinor për prokuroren Elsa Gjeli

E-TJERA

Mbetjet toksike, Xama: Ka dyshime se nuk janë prodhuar të gjitha në Shqipëri

Politiko 3 Shtator 2024, 22:17

Mbetjet toksike, Xama: Ka dyshime se nuk janë prodhuar të gjitha

Gazetarja Ola Xama foli mbi anijet me afro 816 tonë mbetje toksike që u nisën drejt Tajlandës nga Porti i Durrësit.

Në MCN TV, Xama tha se kemi të bëjmë me një përgjegjësi të koordinuar, si të kompanive private, ashtu edhe të shtetit shqiptar.

Xama vë në dukje gjithashtu se ka dyshime që jo të gjitha mbetjet janë prodhuar në Shqipëri, çka nxit dyshimet se Shqipëria mund të jetë edhe një vend trafikues edhe të mbetjeve të të tjerëve.

“Këto janë mesazhe të fshehta. Ligji e ka që prodhuesi është përgjegjës në të gjitha hallkat, nga nxjerrja e mbetjeve jashtë ambienteve, deri në momentin që trajtohen. Janë thirrur në Prokurorinë e Durrësit zyrtarë dhe punonjës të ‘Kurum’. Kemi parë edhe në të shkuarën, që ‘Kurum’ ka një peshë të madhe në komunitet, kontributin në ekonomi, familjet e punësuara, dhe mund të jetë një tregues force, që nëse unë largohem, mund të shkaktoj edhe probleme sociale.

Rasti u zbulua sepse reagoi Komiteti i Bazelit. Prokuroria filloi në kohë rekord hetimet, sepse mori vëmendje të madhe edhe në mediat ndërkombëtare. Kjo tregon që s’është bërë vetëm një herë, dhe askush nga autoritetet tona s’ka qenë i besueshëm për informatorin, për ta referuar si rast, por është zgjedhur një institucion ndërkombëtar si Komiteti i Bazelit. Mbetjet janë nisur për t’u kthyer drejt Shqipërisë.

Autoritetet shqiptare thonë që s’do t’i pranojmë mbetet pa bërë testet dhe pa përfunduar hetimet. Brenda kësaj deklarate ka edhe një përgjigje për një pyetje pak më parë, a jemi një vend tranzit për mbetjet e të tjerëve. Vet autoritetet shqiptare kanë dyshime se jo të gjitha qindra ton, janë prodhuar në Shqipëri, por tashmë mund të jemi një vend trafikues edhe të mbetjeve të të tjerëve”, tha Xama.