Flash News

Sali Berisha thirret në SPAK, pritet të njihet me akuzën

GJKKO shtyn për në 1 tetor seancën ndaj Talo Çelës

Përleshje e dhunshme mes shqiptarëve dhe egjiptianëve në Itali, 7 të plagosur

Posta e mëngjesit/ Me 2 rreshta: Çfarë pati rëndësi dje në Shqipëri

Mbyllet mbledhja, Noka: Nga nesër, drejtuesit do të jenë në bazë

DITARI POLITIK

Mblidhet Këshilli i Mandateve për Sinajn/ Bardhi: Përfitoi para nga buxheti i shtetit, socialisti: Jam donator

Politiko 4 Shtator 2024, 11:47

 

Mblidhet Këshilli i Mandateve për Sinajn/ Bardhi: Përfitoi para

Këshilli për Rregulloren , Mandatet dhe Imunitetin është mbledhur për të shqyrtuar kërkesën e grupit parlamentar të PD për heqjen e mandatit të deputetit, për socialistin Vullnet Sinaj.

Kreu i grupit, Gazment Bardhi, argumentoi se nga verifikimet e bëra rezulton se Sinaj është pronar në 9 kompani, ku në 5 prej të cilave aksioner i drejtpërdrejtë. Sipas Bardhit, Sinaj ka përfituar rreth 30 mijë euro nga buxheti i shtetit, duke rënë ndesh me Kushtetutën.

“Kemi verifikuar se deputeti Sinaj është pronar në 9 kompani, ku në 5 prej të cilave është aksioner i drejtpërdrejt. Ne kemi verifikuar nëpërmjet shkresave zyrtare, në këtë rast Drejtorisë se Thesarit, se deputeti Vullnet Sinaj, nëpërmjet kompanive të tij në vetëm 9 transaksione që ne kemi evidentuar mund të jenë edhe shumë më shumë, ka përfituar nga buxheti i shtetit rreth 36 mijë euro.

Në këto kushte ai është në shkelje të Kushtetutës konkretisht të nenit 70, pika 3.  Këto fakte, janë konfirmuar zyrtarisht edhe nga Ministria e Financave dhe Drejtoria e Thesarit”, tha Bardhi.

Vetë Vullnet Sinaj u justifikua me ndihmën që ka dhënë në periudhën e tërmetit të vitit 2019 duke dekaruar se para se të bëhej politikan ka qenë biznesmen.

“Kam dhuruar 100 mijë euro në kohën e tërmetit. Unë kam qenë biznesmen që hyra në politikë dhe nuk u bëra sipërmarrës pasi hyra në politikë. Unë kam 20 vjet që merrem me biznes. Ai biznesi që ju më thoni që është i mi, ka bërë atë sollën e operacioneve te Kardiologjia për fëmijët. Ndaj meje po bëhet një farsë e madhe, që nuk është as ligjore.

Ajo që ju më akuzoni mua sot është shitja e produkteve në kasa. Ku ta dijë një punonjës i kasës se kush ble në marketet e Big Market? Kujt t’ia ndalojmë hyrjen në Big Market na i thoni? Nuk kam përfituar asnjë qindarkë nga buxheti i shtetit, përkundrazi jam donator. Nuk kam marrë pjesë në asnjë tender, në asnjë koncension”, tha Sinaj.

Të fundit