Flash News

Elez Biberaj: Protestat nuk janë kundër Trumpit, por kundër kleptokracisë

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

E-TJERA

Ndahet nga jeta Papa Françesku, Kisha Katolike organizon Meshën e Dritës në nder të tij

Politiko 21 Prill 2025, 15:48

Ndahet nga jeta Papa Françesku, Kisha Katolike organizon Meshën e

Kisha Katolike në Shqipëri do të organizojë sot një meshë të veçantë në nderim të Papa Françeskut, i cili është ndarë nga jeta. Ceremonia do të mbahet në orën 18:00 në Katedralen e Shën Palit në Tiranë dhe do të jetë një akt lutjeje dhe mirënjohjeje për jetën, shërbimin dhe trashëgiminë shpirtërore të Atit të Shenjtë.

Mesha e Dritës do të udhëhiqet nga Arqipeshkvi Metropolit i Tiranë-Durrësit, Imzot Arjan Dodaj, i cili ka ftuar meshtarët, rregulltarët dhe të gjithë besimtarët të bashkohen në këtë moment solemn për të kujtuar Papa Françeskun dhe për të lutur për shpirtin e tij.

“Hyji i çdo mirësie ka dashur të thërrasë pranë Vetës Bariun e Kishës Universale. Ju ftoj të përqendrojmë lutjet dhe kremtimet Eukaristike për shpirtin e tij, duke falënderuar Zotin për zërin e tij kumbues në shpalljen e Ungjillit si dritë rrezatuese e Krishtit, Bariut të Mirë, nga Selia e Pjetrit, për mbarë botën,” thuhet në njoftimin e Arqipeshkvit Dodaj.

Në këtë ditë të së Hënës së Pashkës, Kisha Katolike kujton me nderim dhe dhimbje largimin nga kjo botë të Papa Françeskut, i cili për vite me radhë udhëhoqi Kishën me përvujtëri, dashuri dhe frymë ungjillore.

"Ati, Hyji i Mëshirshëm që në provaninë e Tij na dhuroi Papa Françeskun dhe sot e thirri pranë Vetës, i dhëntë atij shpërblimin e të drejtëve dhe neve ngushëllimin dhe Hirin e Shpirtit të Shenjtë," përfundon njoftimi.

Të fundit