Flash News

Tragjike në Itali: 14-vjeçarja shqiptare hidhet nga dritarja, humb jetën në spital

Kosova hap ambasadë në Malajzi

Në fillim i përqeshi si ‘qilima fluturues’ dhe më pas i përvetësoi/ 7 temat dhe premtimet që Edi Rama kopjoi nga Sali Berisha në këtë fushatë

Kthimi i Edi Ramës në fushatën (humbëse) e 2011

SHBA tërhiqet nga negociatat e paqes midis Ukrainës dhe Rusisë

E-TJERA

“Në majë me fjalën”/ Alfred Lela rrëfen jetën në 'Elevate' mes gazetarisë, politikës dhe pasionit për alpinizmin

Politiko 2 Maj 2025, 20:34

“Në majë me fjalën”/ Alfred Lela rrëfen

I ftuar në emisionin “Elevate by Floriana Garo”, drejtori i Zyrës së Shtypit në Partinë Demokratike, Alfred Lela, ndau me publikun historinë e tij personale dhe profesionale, nga emigrimi në Shtetet e Bashkuara të Amerikës, rikthimi në Shqipëri, gazetarinë, përfshirja në politikë dhe pasioni për fjalën, lartësitë dhe natyrën.

Lela tregoi se forca e tij qëndron te gjuha, veçanërisht te ajo e shkruar. “Kam përshtypjen që forca ime është fjala. Në anglisht nuk e ndjeja veten në majë, edhe pse e zotëroj. Maja ime është përmes gjuhës së shprehur në shqip,” – tha ai, duke theksuar se nuk kënaqet me mesataren: “Kush thotë që nuk do të jetë në majë, gënjen veten ose të tjerët.”

Për të, kthimi nga Amerika në Shqipëri ishte më sfidues sesa vetë emigrimi: “Në SHBA mësohesh me rregullin, ndërsa kur kthehesh këtu, përballesh sërish me ‘derregullin’.”

Në një moment të sinqertë, ai rrëfeu se lidhja e tij me politikën erdhi natyrshëm përmes figurës së Sali Berishës: “Kur ai erdhi për herë të parë në pushtet, isha gjimnazist dhe ndjeva një lloj ekzaltimi. Për mua, Berisha është prijësi i fisit tim imagjinar.”

Lela përshkroi edhe ritmin e vrullshëm të jetës në politikë, sidomos gjatë fushatës: “Në zyrë jam para orës 9 të mëngjesit dhe largohem pas orës 23. Mesazhi i ditës, konsultat me doktorin, telefonatat, monitorimi i mediave  është një punë pa orar.”

Gjithashtu foli edhe për pasionin e tij për alpinizmin: “Ngjitja më jep një intensitet dhe përqendrim që nuk e gjen në qytet. E kam bërë dy herë në muaj, por tani është rralluar për shkak të angazhimeve.”

Të fundit