Flash News

Me simbolin e shqiponjës, Torino prezanton blerjen e mbrojtësit të Kombëtares shqiptare

Zhdukja e Eraldo Muçit, zbardhet dëshmia e nënës së tij: Djali im ishte shok me Sançon

28 të arrestuar në Itali e Spanjë për trafik droge, mes tyre një shqiptar

Banorët përplasen me policinë në Theth: Jemi në tokën tonë

Rihapet çështja e vrasjes së mësueses italiane, e dyshuar një 47-vjeçare shqiptare

E-TJERA

Nesër përfundon afati 100 ditor i Ramës për Policinë e Shtetit, Gledis Nano takime dhe analiza për raportin përmbledhës

Politiko 13 Tetor 2021, 14:09

Nesër përfundon afati 100 ditor i Ramës për Policinë e

Nesër përfundon afati prej 100 ditësh që kryeministri Edi Rama i vendosi Policisë së Shtetit për të rritur performancën. Shefi i qeverisë tha më 8 korrik se mjaftojnë 100 ditë që uniformat blu të angazhoheshin seriozisht ndaj krimit dhe ta çonin Policinë e Shtetit në tjetër nivel.

“Keni 100 ditë kohë për ta rivënë të gjithë trupën në angazhim maksimal nga i pari tek i fundit. Asnjë ditë më shumë. Që qytetarët të marrin frymë shumë të lehtësuar duke e parë Policinë e Shtetit në një nivel tjetër. Asnjë shkencë, asnjë shpikje, asnjë luftë me të panjohur, thjesht dhe vetëm gjërat që i dini, gjërat që njerëzit duan si themelin e marrëdhënies me shtetin.

Në çdo qark në 100 ditë duhet të jepen shembuj të qartë, nuk mund të ketë komisarë që luajnë me dy porta dhe ju nuk e keni fare problem as t’i kapni. Ky është një objekt i palëvizshëm në çdo qark”, tha Rama.

Kështu tha ky i fundit pas disa ngjarjeve kriminale që kishin ndodhur në vendin tonë asokohe. Por Ardi Veliu u largua pa përfunduar afati, kështu që analizën e 100 ditëve do ta bëjë pasuesi i tij në detyrë, Gledis Nano.

Ka shumë pak ditë që është vendosur në krye të Policisë së Shtetit, por Nano ka nisur të bëjë analizën e çdo qarku dhe të hartojë një raport përmbledhës për t'ia prezantuar Ramës dhe opinionit publik.

Ditën e sotme ai është takuar me drejtorin e Policisë së Tiranës, Rebani Jaupi dhe drejtues të sektorëve të ndryshëm.

Të fundit