Flash News

Europol kontrolle në banesën e të riut shqiptar, dyshohet për pornografi me të mitur

Raporti i SPAK: Nën hetim 33 ish-zyrtarë të lartë

Zgjedhjet parlamentare, publikohet lista përfundimtare e votuesve

PD shkresë SPAK-ut, kërkon informacion për hetimet ndaj krimeve zgjedhore

Zbulohet një apartament i kthyer në Call Center, arrestohet organizatori

E-TJERA

Nga Burgaj te Veliu, mandati i papërfunduar i drejtorëve të Policisë së Shtetit

Politiko 6 Tetor 2021, 14:51

Nga Burgaj te Veliu, mandati i papërfunduar i drejtorëve të

Nga viti 2013 me ardhjen e Partisë Socialiste në pushtet janë ndërruar katër drejtues të Policisë së Shtetit. Asnjë prej tyre nuk e ka përfunduar mandatin 5 vjeçar që është parashikuar me ligj.

Në 2013 Policinë e Shtetit e drejtonte Hysni Burgaj, post të cilin e mbante prej 2009-ës. Ai dha dorëheqjen, pas shkarkimeve që u bënë në atë kohë në drejtoritë vendore. Më pas ai u vendos drejtor i Akademisë së Policisë.

Ishte Artan Didi që zëvendësoi Burgajn. Didi i cili erdhi nga SHBA-ja, por kishte një eksperiencë të gjatë në sigurinë publike dhe te RENEA. Didi dha dorëheqjen vetëm dy vite më pas në 2015-ën, pas lajmeve për fshehjen e urdhër-arrestit të Interpolit për Mark Frrokun.

Zëvendësuesi i Didit ishte Haki Çako, i cili deri në atë kohë kishte qenë numri dy i Policisë së Shtetit. Ndërsa më herët Çako kishte qenë drejtor i Policisë në Gjirokastër.

Çako u shkarkua në vitin 2018 me propozim të ministrit të Brendshëm Fatmir Xhafajt dhe më pas u vendos në krye të Emergjencave Civile.

Çako u pasua në detyrë nga Ardi Veliu, që mori postin në shtator të 2018-ës dhe e mbajti atë deri dje. Ai dha dorëheqjen me argumentin se do t'i përkushtohet familjes.

Veliu ka qenë një figurë e sulmuar për shkak të disa ngjarjeve. Shkarkimi i tij është kërkuar disa herë, një prej tyre kur ndodhi vrasja e Klodian Rashës më 8 dhjetor të vitit të kaluar. 25 vjeçari u qëllua për vdekje nga një efektiv policie.

Protestat e dhunshme, dhunimi i i një të mituri nga uniformat blu pranë Liqenit Artificial kanë qenë të tjera raste që kanë shkaktuar reagim të gjerë në publik.

Kujtojmë që javën e parë të korrikut, kryeminsitri Edi Rama i vendosi 100 ditë afat  drejtuesve të Policisë së Shtetit që të gjejnë dhe të çojnë para drejtësisë të gjithë të infiltruarit brenda uniformave blu, që bashkëpunojnë me krimin.

Pavarësisht thirrjeve për shkarkim gjatë këtyre tre viteve, Veliu vendosi t'i dorëzonte dorëheqjen dje kryeministrit Edi Rama dhe në vend të tij u vendos Gledis Nano, që më herët ka qenë drejtor i Anti-terrorit.

 

Të fundit