Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjendet i vdekur në kamion 55-vjeçari në Korçë

Me shenja helmimi, disa banorë të Dibrës paraqiten në spital

Berisha: Mosbindja civile do të përshkallëzohet, koha e narkoshtetit perëndoi

Berisha thirrje Ramës: Duam qeveri teknike, reago! Mosbindja do çmontojë narkoshtetin

E-TJERA

Përplasi motomjetin dhe u largua nga vendi i ngjarjes, arrestohet 62-vjeçari në Elbasan

Politiko 9 Shtator 2024, 13:47

Përplasi motomjetin dhe u largua nga vendi i ngjarjes, arrestohet

Një 62-vjeçar është arrestuar në Elbasan pasi përplasi 45-vjeçarin A. B., i cili po udhëtonte me motomjet.

62-vjeçari u largua nga vendi i ngjarjes pas përplasjes për t’u arrestuar disa ditë më vonë. Si pasojë e aksidentit mbeti i dëmtuar drejtuesi i motomjetit dhe pasagjerja.

Ndaj drejtuesit të motomjetit ka nisur procedimi penal në gjendje të lirë, pasi nuk kishte leje drejtimi.

“Si rezultat i veprimeve intensive hetimore dhe procedurale të kryera me zbardhjen e rrethanave të një aksidenti të ndodhur më datë 07.09.2024, në lagjen "28 Nëntori", ku u përplasën një automjet me një motomjet, specialistët e Sektorit të Qarkullimit Rrugor bënë të mundur identifikimin, kapjen dhe arrestimin e drejtuesit të automjetit, shtetasit H. O., 62 vjeç.

Nga veprimet hetimore dyshohet se ky shtetas, mbrëmjen e datës 07.09.2024, në lagjen "28 Nëntori", duke drejtuar automjetin, ka përplasur motomjetin me drejtues shtetasin A. B., 45 vjeç, banues në Elbasan, dhe më pas është larguar nga vendi i aksidentit. Si pasojë e aksidentit janë dëmtuar drejtuesi i motomjetit dhe pasagjerja, të cilët janë jashtë rrezikut për jetën.

Në vijim të veprimeve procedurale u referuan materialet në Prokurori ku nisi procedimi në gjendje të lirë për drejtuesin e motomjetit, shtetasin A. B., 45 vjeç, pasi nuk ishte i pajisur me leje drejtimi.

Në cilësinë e provës materiale u sekuestrua automjetin tip “Benz” që drejtonte 62-vjeçari, në momentin e aksidentit. 

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme”, njofton policia.

Të fundit