Raporti i DASH për Shqipërinë, reagon Kim: Prioritet lufta ndaj korrupsionit, SHBA do punojë më shumë se kurrë

Një ditë më parë, Departamenti Amerikan i Shtetit publikoi raportin për të drejtat e njeriut për vitin 2020, ndërsa duke u ndalur në Shqipëri, theksoi si problem kryesor përhapjen e korrupsionit në të gjitha nivelet.

Një ditë më pas vjen reagimi i ambasadores së SHBA, Yuri Kim, e cila thotë se në këtë raport prioritet ishte lufta ndaj korrupsionit dhe mbrojtja e të drejtave të njeriut.

Në një status në twitter, ajo shton se SHBA do të punojë më shumë se kurrë me Shqipërinë në ndjekje të këtij përparësie.

“Presidenti Biden dhe Sekretari Blinken kanë theksuar përparësinë e ripërtërirë në mbrojtjen e të drejtave të njeriut dhe luftimin e korrupsionit si një çështje e sigurisë kombëtare dhe globale.

SHBA do të punojë më shumë se kurrë me Shqipërinë, qeverinë, opozitën, shoqërinë civile, qytetarët e rregullt në ndjekje të këtij përparësie”, shkruan Kim.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm