Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Përplasen 4 makina në Fier, dy persona të lënduar

Mbante armë në banesë! Arrestohet një person në Maliq

BIRN: Kuvendi rinis punën duke i hequr fjalën opozitës

Kontrolle në burgun e Durrësit, kapen 10 celularë, i përdornin të dënuarit

E-TJERA

Rritja e kredisë për individët nuk ndalet, por frenojnë bizneset

Politiko 29 Maj 2025, 15:01
Rritja e kredisë për individët nuk ndalet, por frenojnë

 

Kredia për ekonominë frenoi lehtë në muajin prill, por deri tani këtë vit vazhdon të jetë në nivelet më të larta historike.

Sipas të dhënave nga Banka e Shqipërisë, kredia e re e dhënë nga sektori bankar kishte vlerën e 129.8 miliardë lekëve, në rënie me 3.8% krahasuar me prillin e vitit të kaluar.

Megjithatë, ecuria progresive e katërmujorit të parë ngelet edhe këtë vit pozitive. Sektori bankar disbursoi gjithsej 129.8 miliardë lekë kredi, në rritje me 10.9% krahasuar me të njëjtën periudhë të vitit të kaluar.

Rritja e kredisë këtë vit po mbështetet kryesisht tek individët, ndërsa huaja për bizneset e ka ngadalësuar rritjen e shpejtë të vitit të kaluar.

Për katër muajt e parë të vitit, individët morën 42.9 miliardë lekë kredi të reja nga sektori bankar, vlerë kjo në rritje me 26.4% krahasuar me të njëjtën periudhë të vitit të kaluar.

Kredia ka vazhduar të rritet me ritme të lartë, si për financimin e blerjes së banesave, ashtu edhe të konsumit. Vijimësia e rritjes së shpejtë të kredisë për banesa ka shqetësuar Bankën e Shqipërisë, që këtë muaj vendosi disa masa kufizuese për këtë produkt, që do të hyjnë në fuqi në gjysmën e dytë të këtij viti.

Ndërkohë, kredia për bizneset në këtë fillim viti është në nivele të përafërta me një vit më parë. Për katër muaj, sektori bankar dha 83.3 miliardë lekë kredi të reja për bizneset, me një rritje modeste vjetore prej 0.4%. Ndryshe nga sa po ndodh me individët, te bizneset kredia për pasuri të paluajtshme këtë vit paraqitet në rënie të ndjeshme, pasi kishte shënuar një rritje shumë të shpejtë vitin e kaluar.

Kredia për ekonominë vazhdon të rritet edhe e matur si tepricë portofoli. Në fund të muajit prill, portofoli total arriti vlerën e afërsisht 872 miliardë lekëve, në rritje me 13.1% krahasuar me të njëjtën periudhë të vitit të kaluar. Rritja është ngadalësuar lehtë nga niveli 13.3% i një muaji më parë.

Në segmentin e ndërmarrjeve private, portofoli i kredisë është në rritje me 12.4% krahasuar me një vit më parë. Ndërkohë, për individët portofoli i kredisë është në rritje me 15.4% krahasuar me të njëjtën periudhë të vitit të kaluar./ REL

Të fundit