Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

Rruga Tiranë-Durrës në gjendje skandaloze, miliona euro për ndërtim dhe mbushje gropash

Politiko 1 Korrik 2025, 16:18

Rruga Tiranë-Durrës në gjendje skandaloze, miliona euro për


Segmenti rrugor nga Tirana në Durrës është kthyer në makthin e përdoruesve të saj. Automjetet ndeshen në trafik, pluhur, asfalt dhe gropa të stërmëdha, teksa në pjesë të stërgjata është shumë e vështirë të kalosh.

Çdo ditë raportohen aksidente, disa në pasoja në njerëz dhe të tjerë në dëme materiale. Për të mos përmendur edhe çarjet e gomave apo dëmtime të tjera.

Por, në gjithë këtë situatë, a janë marra masa?! Autoriteti Rrugor Shqiptar, si “pronari” i rrugës, ka hapur “thesin” prej gati 1 viti, ku vetëm për një segment paguan 3 deri në 4 herë. Janë hapur tenderët e mëdhenj për rikonstruksionon apo zgjerimin e rrugës, janë hapur tenderë për mirëmbajtjen e segmentit, tenderë për sinjalistikë dhe tashmë edhe tender për mbushjen e gropave.

Faksimile: Njoftimi i ARRSH për hapjen e tenderit për mbushjen dhe riparimin e gropave në segmentin nga Vora deri në Urën e Dajlanit
Faksimile: Njoftimi i ARRSH për hapjen e tenderit për mbushjen dhe riparimin e gropave në segmentin nga Vora deri në Urën e Dajlanit

Në vitin 2024, ARRSH-ja hapi dy tendera me vlerë 32.4 milionë euro, për zgjerimin e autostradës Tiranë – Durrës. Për njërin nga lotet, nga Kthesa e Kamzës deri në mbilalimin e Kasharit kanë filluar punimet, teksa është tenderuar edhe një lot, deri në Sukth. Në total janë akorduar 170 milionë euro, ndërkohë që pjesë të gjata të rrugës janë bërë gjithë gropa.

Ndërkohë, ditët e fundit  Autoriteti Rrugor Shqiptar ka hapur një tjetër tender për këtë segment. Sipas dokumenteve, objekti i procedurës së prokurimit është “emergjencë për riparimin e nënshtresave dhe shtresave asfaltike në segmentin rrugor Vorë – Ura e Dajlanit”. Shuma e akorduar për këtë segment është 77,176,271 lekë, ose rreth 800 mijë euro.

Por, kur firmat marrin 170 milionë euro për ndërtim, disa miliona për mirëmbajtje dhe sinjalistikë, përse duhen edhe 800 mijë euro për të mbushur gropat?!

Koha e ka treguar se, në çdo rrugë që bëhet në Shqipëri, ka prapaskena të mëdha, ku zyrtarë shtetërorë favorizojnë njërën apo tjetrën firmë. Disa zyrtarë janë në burg, të tjerë të dënuar apo edhe nën hetim me masa sigurie të ndryshme. Ndoshta edhe për këtë rrugë, ashtu si në çdo cep të Shqipërisë, mund të ketë hetime apo edhe hetime të pritshme. Organeve ligjzbatuese u mjafton vetëm që të “ndjekin paranë”./Vox News

Të fundit