Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

“Shpërndan dekorata pa vlerë, u zgjodh si e keqja më e vogël”/ Rama sulmon Metën, reagon presidenca

Politiko 21 Janar 2022, 14:11

“Shpërndan dekorata pa vlerë, u zgjodh si e keqja më e

Në komunikimin live që bëri në Facebook për protestën e 21 janarit, kryeministri Edi Rama sulmoi presidentin Ilir Meta, duke u ndalur te vizita sotme në Korçë, ku shpërndau disa tituj nderi për artistët e teatrit “Andon Zako Çajupi”.

Rama tha se Meta nuk mund të bëjë asnjë tjetër, përveçse të shpërndajë dekorata. Ai tha se Meta u zgjodh president si e keqja më e vogël, ndërsa shtoi se PS e ka shkarkuar dhe çështja ndodhet në Gjykatën Kushtetuese.

“Për çfarë të përgjigjet Ilir Meta për 21 Janarin. Çfarë mund të bëjë tjetër Ilir Meta veçse të shpërndajë dekorata. Dekorata pa asnjë vlerë që janë një tallje e madhe për ata njerëz. Ilir Meta është zgjedhur president me votat e tij dhe jo me votat tona. Ne nuk i kishim votat për të zgjedhur presidentin e Republikës.

Mes një të keqe si ajo e zgjedhjes së Metës dhe të keqes që të futemi nga e para, ne zgjodhëm të keqen më të vogël. Ilir Meta ende nuk e kishte nxjerrë kokën publikisht se ishte kundër Partisë Socialiste. Ne e kemi shkarkuar Ilir Metën me votim të fshehtë. Por procedura e formalizimit të shkarkimit të presidentit kalon nga Gjykata Kushtetuese. Qeveria nuk mund të bëjë punë që nuk janë punët tona”, tha Rama.

Pas deklaratës së këtij të fundit ka ardhur reagimi nga presidenca. Zëdhënësi i Metës, Tedi Blushi thotë se me Korçën e vlerave vetëm një “piktor i dështuar” mund të ketë mllef dhe inat. Sipas tij, Rama ka fyer artistët korçarë.

“Ç'po na dëgjojnë veshët!  Korça e arsimit, artit, kulturës dhe qytetarisë pa vlera? Teatri "Andon Zako Çajupi" pa vlera? Artistët e mirënjohur korçarë pa vlera?

Kush ka më shumë vlerë? Zhgarravinat që shiten si piktura? Apo pocaqitë e baltës që shiten si "vepra arti"? Mllef dhe inat kaq të madh me Korçën e vlerave vetëm një piktor i dështuar anti-vlerë mund të ketë! Fale o Zot!”-shkruan Blushi.

 

Të fundit