Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

Shqipëria sërish 'nën ujë'/ Evakuohen 27 familje në Lezhë, bllokohet aksi Qukës-Përrenjas, autoritetet bëjnë thirrje për kujdes

Politiko 10 Janar 2021, 10:26

Shqipëria sërish 'nën ujë'/ Evakuohen 27 familje

Shqipëria është zgjuar sërish mëngjesin e sotëm nën "pushtetin" e ujit. Reshjet e dendura të shirave kanë vazhduar pa ndërprerje në të gjithë vendin duke përkeqësuar situatën e përmbytjeve.

Situata shfaqet më shumë problematike në disa qarqe të vendit si në Lezhë, Shkodër, Elbasan, Vlorë e Durrës. Deri më tani raportohet për mijëra hektarë tokë të përmbytura, si dhe disa qindra rrugë, banesë, biznese dhe institucione që janë nën ujë. Probleme janë hasur edhe për lumin Shkumbin, i cili pritet të dalë nga shtrati në disa segemente, ndërsa lumi Drim ka pësuar rënie me 50 cm të nivelit të ujit.

Bashkia Shkodër duke parë situatën që po përkeqësohet, i ka bërë thirrje banorëve që rrezikohen nga permbytja që të marrin masa për sigurimin e gjësë së gjallë, prodhimeve bujqësore, mjeteve dhe pajisjeve të ndryshme që mund të dëmtohen.

Po ashtu, bashkia ka bërë kërkesë për komisionin e Emergjences Civile pranë prefekturës Shkodër, nesër për njesinë ana e malit është e nevojshme :

-makine ushtrie (për transport në rrugën obot)

-varke lundruse (nëse rritet niveli i ujit edhe 50 cm.)

Ndërkohë, vazhdon gërryerja e tokës bujqësore nga lumi Drin edhe në vendin e quajtur Harku i Bërdicës, fshati Bërdicë e Sipërme. Vijon të jetë e bllokuar rruga për në Obot për mjetet e ulëta, dhe është e kalushme vetëm me mjete të larta. Niveli i ujit mbi rrugë arrin mbi 80cm.

Aksi Elbasan-Librazhd për rreth 1 orë gjatë natës ka qenë i bllokuar prej rënie të gurëve e interteve. E njëjta situatë edhe në Gramsh-Moglicë. Rënie aluvionesh ka pasur në Cërrik-Gramsh dhe të dherave në Pishkash e Librzhd-Qafë Thanë.

Mësohet se rrëshqitje të dherave ka pasur në Murrash, ku fadromat po punojnë për hapjen e rrugës. Po ashtu, shembje ka pasur edhe në Dragostunjë dhe Pishkash. Si pasojë e rrëshqitjes së dherave aksi Qukës-Përrenjas është bllokuar, për pasojë radhë të gjata makinash janë krijuar në në Pishkash.

Edhe në Lezhë situata është përkeqësuar ku 27 familje janë evakuuar në një vend më të sigurt, ku nuk rrezikohen nga përmbytjet. Deri më tani raportohet se nga reshjet e dendura që kanë përfshirë vendin gjatë ditëve të fundit, rreth 2800 hektarë tokë janë nën ujë në Zadrimë, Zejmel, Tale apo dhe në Shënkollë.

Nga ana tjetër, rruga Lezhë-Kallmet është shembur pjesërisht gjatë natës prej rrëshqitjes së dherave. Një pjesë anësore e rrugës ka pësuar rrëshqitje dhe ajo momentalisht është izoluar dhe është pjesa është bërë e pakalueshme për mjetet, ndërkohë që dhe asfalti i aksit duket i degraduar.