Flash News

11 ditë nga zhdukja e Eglant Koçit, Armando Shakaj ende në arrati

Aksident në aksin Fier–Libofshë, 4 të plagosur

U ekstradua nga Spanja, GJKKO lë në burg djalin e Erzen Breçanit

Ish-ministri i Kosovës dënohet me dy vjet burg për konflikt interesi

U vra me breshëri plumbash brenda në automjet, del foto e viktimës në Mirditë

E-TJERA

Shteti Bektashi, pastori Akil Pano: Ide për copëzimin e Shqipërisë, Begaj të mbledhë Këshillin e Sigurisë

Politiko 23 Shtator 2024, 14:26

Shteti Bektashi, pastori Akil Pano: Ide për copëzimin e

Pastori Akil Pano i ka bërë thirrje presidentit Bajram Begaj të mbledhë Këshillin e Sigurisë, pas planit që shpalli kryeministri Edi Rama për krijimin e Shtetit Bektashi në Shqipëri.

I ftuar në A2 CNN, pastori u shpreh se Kushtetuta e përkufizon Shqipërinë si një territor të pandarë.

Pano shtoi se cenimi i territorit është tradhti kombëtare duke ngritur pikëpyetje mbi atë se çka mund të ndodhë më vonë me minoritarët.

“Kushtetuta jonë e ka të përkufizuar që Shqipëria është territor i pandarë. Duhet të ndryshojë Kushtetuta, prandaj kjo histori nuk përfundon brenda muajit apo 6 muajve. Nuk ka të bëjë vetëm me shkeljen e Kushtetutës, por është një ide për copëzimin e Shqipërisë. Krijohet një precedent tjetër, që nëse Shqipëria do të krijojë një shtet brenda territorit të saj, çfarë ndodh me jugun e Shqipërisë? Minoritarëve i lind e drejta që të kërkojnë ndarjen.

Cenimi i territorit është tradhti kombëtare! Duhet që të trajtohet nga komisione që merren direkt me sulmet ndaj Kushtetutës dhe Atdheut. Presidenti i Republikës duhet të mbledhë Këshillin e Sigurisë Kombëtare për ta trajtuar këtë çështje. Me vendosjen e një shteti brenda shtetit, qoftë edhe fetar, hapet një paradigmë ndërkombëtare që e vendos Shqipërinë në një raport tjetër me Iranin dhe Turqinë, me vendet ku ka bektashianë. Në Iran janë me miliona bektashianë dhe qendra politike e kësaj popullsie vendoset në Shqipëri”, deklaroi pastori Akil Pano.

Të fundit