Flash News

Kishte dalë për të kullotur bagëtitë e imta, humb jetën 55-vjeçarja në Pukë

Ligji i ri i Ramës, Berisha: U bëj thirrje pedagogëve dhe studentëve të mbrojnë lirinë akademike

Aksident në Korçë, makina përfundon në kanal, lëndohet shoferi

Plagosje me thikë në Tiranë, arrestohet autori

Inaugurimi i Namazgjasë, Lela: Rama shkeli Kushtetutën, lejoi Erdoganin të turqizonte ceremoninë

E-TJERA

Skandali i mbetjeve toksike, Mustafaj: Si dështoi zyra nën varësinë e Ballukut, duhet të informonte shtetin pritës

Politiko 7 Shtator 2024, 18:05

Skandali i mbetjeve toksike, Mustafaj: Si dështoi zyra nën

Ish-ministri i Jashtëm, Besnik Mustafaj, ka komentuar mbi skandalin e eksportit të mbetjeve toksike nga Shqipëria drejt Azisë. Gjatë një interviste në News24, Mustafaj ka theksuar se mbetjet e eksportuara janë produkte nga filtrimi që përmbajnë zink dhe që shërbejnë si lëndë e parë për një industri tjetër.

Sipas tij, kompania Kurum e ka shitur këto mbetje në mënyrë ligjore, dhe nuk ka ndonjë shkelje në aspektin e shitjes në territorin shqiptar.

Ai ka sqaruar se për eksportimin e mbetjeve toksike ka një procedurë speciale që përfshin një zyrë, e cila duhet të njoftojë vendin pritës nëse do t’i pranojë këto mbetje, zyrë e cila është nën varësinë e zv/kryeministres Belinda Balluku. Në këtë rast, sipas Mustafajt, është shmangur ky miratim, çka përbën një shkelje të rregullave.

Mustafaj ka kritikuar fort institucionet përkatëse, duke theksuar se janë përfshirë vetëm doganat që varen nga Ministria e Financave dhe Ministria e Infrastrukturës, si dhe Ministria e Mjedisit. Ai ka akuzuar qeverinë për përpjekjen për të hedhur fajin mbi prodhuesin dhe për të shmangur përgjegjësinë nga vetja.

Në këtë kontekst, ai ka kërkuar llogaridhënie nga kryeministri, duke theksuar se në një vend demokratik, qeveria mund të përballej me pasoja të rënda për dështimin e tre strukturave shtetërore që nuk kanë funksionuar siç duhet.

Të fundit