Flash News

Sherr brenda kafazit të xhamit, të pandehurit dhunojnë njëri-tjetrin në GJKKO

Vala e të nxehtit vjen në Shqipëri, temperaturat deri në 40 gradë

Panik në pushtet? Rama sulmon protestuesit që kërkojnë largimin e tij: Budallenj, mendje të cekëta

Këmbimi valutor 15 qershor/ Me sa blihen e shiten dollari dhe euro

“Rama ik”, shqiptarët e Gjermanisë protestë në Berlin kundër qeverisë

E-TJERA

Takimi Kurti-Vuçiç në Bruksel, Abazoviç dhe Rama përkrahin dialogun mes dy vendeve

Politiko 27 Shkurt 2023, 14:37

Takimi Kurti-Vuçiç në Bruksel, Abazoviç dhe Rama

Kryeministri Edi Rama dhe kryeministri me mandate teknik i Malit të Zi, Dritan Abazoviç, kanë folur nga Podgorica ku u mbajt mbledhja e përbashkët mes dy qeverive, lidhur me takimin Kurti-Vuçiç që do të mbahet sot në Bruksel.

Të pyetur mbi planin franko-gjerman që Kosova dhe Serbia kanë pranuar në parim, Rama dhe Abazoviç janë shprehur të angazhuar për të përkrahur dialogun mes dy vendeve.

Rama tha se i takon Shqipërisë t’i tregojë palëve në dialog se çfarë duhet të bëjnë, teksa theksoi se marrëveshja që mund të arrihet bazuar në planin franko-gjerman, do të jetë një plan i mirë.

“Shqipëria nuk është superfuqi siç është BE apo SHBA.  Nuk i takon Shqipërisë t’i thotë palëve në dialog me kushte pa kushte, nuk na takon ne por palëve në dialog. Janë ata që kanë përgjegjësinë për të vendosur për vendet e tyre dhe janë ata që paguajnë kostot e vendimarrjeve të gabuara. Nuk ka absolutisht asnjë rrugë tjetër. Çdo rrugë tjetër është iluzion tjetër është për luftëra të brendshme, për vota, për politikë, por nuk ka lidhje me të ardhmen. Jam i angazhuar që çështja mes Serbisë dhe Kosovës të hyjë në rrugën e një dialogu pa kthim dhe mos të jetë nevoja që superfuqitë t’i marrin për veshi sa herë që grindet në oborrin pas shkollës. Besoj se marrëveshja e bazuar në planin franko-gjerman është plani më i mirë. Është e pashmangshme që Shqipëria të jetë në krah të qeverisë së Kosovës”, tha Rama.

Nga ana tjetër, Abazoviç u shpreh se i kanë dërguar të dyja vendeve një mesazh të gatshëm për bashkëpunim.

“Ne sot e kemi nisur një mesazh që jemi të gatshëm për bashkëpunim. Mali i Zi e përkrah dialogun Kosovë-Serbi. Mendoj se plani franko-gjerman është një plan i mirë. Ne duhet të bashkëpunojmë me shtetet e ndryshme për të ardhmen tonë. Jam i sigurt se të gjithë do kemi fitim nëse bëhet çka kërkon faktori ndërkombëtar, populli e të gjithë banorët. Të gjithë do të jenë në humbje nëse vazhdohet kështu siç është tani”, tha Abazoviç.

Të fundit