Flash News

Zbulohet "foleja" e prostitucionit në Durrës, arrestohen 4 kineze, procedohen 8 shqiptarë

Plumba drejt lokalit në Fushë Krujë, policia rrethon zonën

Ekstradohen nga Dubai 3 "ushtarët" e Talo Çelës, momenti kur mbërrijnë në Rinas (VIDEO)

Kthjellime dhe vranësira, parashikimi i motit për ditën e sotme

Akuzohet për vr*sje për arsye gjakmarrjeje, arrestohet në Angli 48-vjeçari

E-TJERA

Video prekëse! Nëna shqiptare e gjen djalin në Greqi pas 20 vitesh

Politiko 27 Shtator 2024, 21:23

Video prekëse! Nëna shqiptare e gjen djalin në Greqi pas 20

Një burrë i quajtur Petro, i cili jeton në Athinë dhe pretendon se ka humbur kujtesën, duket se ka gjetur më në fund familjen e tij biologjike.

I njohur si Petros Koutsoukis në Greqi, ai ka tërhequr vëmendjen e mediave lokale pasi deklaroi se nuk mban mend asgjë nga e kaluara dhe nuk e di se kush është apo nga vjen.

Fillimisht, autoritetet e kërkuan si shtetas grek, por më vonë disa persona që kishin punuar me të dhanë informacion se ai është me origjinë shqiptare dhe kishte emigruar në Greqi rreth 20 vite më parë.

Sot në Athinë ka mbërritur një grua e moshuar nga Shqipëria, që besohet të jetë nëna e tij. Ajo do të japë një kampion ADN-je për të konfirmuar nëse Petro është vërtet djali i saj.

Në një skenë prekëse të publikuar nga mediat greke, gruaja shqiptare shihet duke përqafuar dhe puthur burrin, për të cilin thotë se është djali i saj, pasi “e njohu menjëherë”.

Sipas dëshmisë së Petros, ai vuan nga amnezia autobiografike dhe nuk ka kujtime nga fëmijëria e tij, përveç disa imazheve të zbehta.

Nëna, e cila kishte ardhur në Athinë e shoqëruar nga një tjetër djalë i saj, është e bindur se Petro është djali i saj i humbur prej vitesh, megjithëse Petro nuk e njeh as atë, as vëllain e tij të mundshëm. Sidoqoftë, ai ka pranuar të presë rezultatin e testit të ADN-së për të konfirmuar identitetin.

“Jam nënë e katër fëmijëve dhe jetoj në Këlcyrë, Shqipëri. Petriti, djali im, u largua për në Greqi në vitin 1990. Ne mbajtëm kontakte deri në vitin 1995, kur më dërgonte letra nga Kalamatë. Më pas, lidhjet u ndërprenë, dhe vetëm përmes disa bashkëfshatarëve mora vesh se ai ndodhej në Ekali”, tha gruaja për autoritetet greke.

Ajo tregoi se kur djali tjetër e takoi dhe i tha "Petrit", Petro e mohoi se ishte ai dhe deklaroi se nuk i njihte. Megjithatë, kur e pa atë në televizor, e njohu menjëherë dhe është e sigurt se është djali i saj i humbur.

 

Të fundit