Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Ende asnjë i arrestuar, ministri Lleshaj: Kemi shkatërruar grupin kriminal të Rinasit

Politiko 10 Prill 2019, 15:10
Ende asnjë i arrestuar, ministri Lleshaj: Kemi shkatërruar grupin

Ministri i Brendshëm, Sandër Lleshaj tha se autoritetet kanë bërë të mundur shkatërrimin e bandës kriminale që grabiti 10 milionë euro në aeroportin ndërkombëtar ‘Nënë Tereza’. Ndonëse foli për shkatërrim të bandës, Lleshaj nuk dha detaje nëse ndonjë prej anëtarëve është arrestuar, por u përqëndrua vetëm te ekzekutimi i Admir Muratajt, që konsiderohet edhe kreu i bandës. Ashtu si ministrja e Transportit Belinda Balluku, Lleshaj nuk e konsideroi ngjarjen një 'akt terrorist', por vetëm një 'sulm të rëndë'.

“Reagimi i shpejtë, profesional dhe i vendosur i Policisë së Shtetit ka sjellë si rezultat që autorët e këtij sulmi të rëndë të lënë në dorë të ekipeve të hetimit prova të shumta materiale, të cilat po i nënshtrohen procedurave përkatëse. Falë këtij reagimi të shpejtë dhe të fortë, besohet se banda kriminale, e cila ka arritur që edhe më parë të godasë transportin e vlerave monetare drejt Rinasit apo në institucione të tjera bankare të vendit, pas humbjes së djeshme të një anëtari të saj, ka marrë një goditje shkatërruese që po thellohet nga ora në orë falë punës që po bëhet nga prokuroria dhe policia. Shkatërrimi i këtij grupi shumë të rrezikshëm kriminal është një sinjal tjetër i rëndësishëm ndaj botës së krimit të organizuar në tërësi”, tha ndër të tjera Lleshaj.

Ai akuzoi kompaninë kineze që ka në koncesion aeroportin 'Nënë Tereza' dhe kompaninë e sigurisë, se kanë dështuar në marrjen e masave.

"Kompania kineze që ka koncesionin e aeroportit të Rinasit ka dështuar të përbushë përgjegjësitë e saj për garantimin e parametrave të sigurisë fizike. Koncesionari dhe kontraktori i përzgjedhur prej tij, që përgjigjet për sigurinë fizike të aeroportit, nuk kanë arritur të zbatojnë standardet e detyrushme që përcaktohen nga legjislacioni vendas dhe nga organizata botërore e aviacionit civil, megjithëse kanë arkëtuar rregullisht 3 euro për çdo pasagjer që ka dalë nga ky aeroport. Do të kishin mjaftuar vetëm këto para për të siguruar në mënyrë të shumëfishtë perimetrin e jashtëm të aeroportit, i cili dje jo vetëm që është hapur për disa sekonda, por edhe më keq, koncesionari dhe kontraktori i tij për sigurinë nuk kanë arritur të sinjalizojnë policinë për këtë thyerje të patolerueshme të sigurisë”, tha Lleshaj.

Ministri sqaroi se Policia e Shtetit ka hartuar një plan të ri masash, të pavarur nga kompania koncesionare, që do të rrisin standardet e sigurisë në aeroport.

“Nisur nga incidenti i rëndë i djeshëm dhe nga të gjitha marrëdhëniet e vështira me kompaninë koncesionare, autoritetet shqiptare do të marrin masa të menjëhershme ligjore dhe të forta për të garantuar pa asnjë dyshim të gjitha parametrat dhe standardet e nevojshme të sigurisë në aeroportin e Rinasit. Siguria e jetës, ajo e pronës dhe siguria kombëtare prevalojnë mbi interesat e tjerë. Të gjitha masat që do të merren do të jenë plotësisht në funksion të garantisë së sigurisë kombëtare, të jetës dhe të pronës. Me masat e reja garantohet një nivel sigurie i ri, shumë herë më i lartë dhe në përputhje të plotë me standardet ndërkombëtare”, deklaroi ministri.

Të fundit