Flash News

Inter officially presents new coach, Cristian Chivu

SPAK summons Sali Berisha tomorrow

Ukraine and Russia exchange large number of prisoners

Prosecutor Hyrjet Lamaj objects to his dismissal at the KPA

Local Elections in Kosovo will be held on October 12

E-TJERA

Mori gjakun e babait/ Gjykata dënon me 8 vite burg Florian Përvathin, si ndodhi ngjarja në Lezhë

Politiko 2022-10-11 08:45:12

Mori gjakun e babait/ Gjykata dënon me 8 vite burg Florian Përvathin,

Gjykata e Lezhës dënoi me 8 vite burg, Florian Përvathin, 17-vjeçarin që në muajin janar vrau për gjakmarrje bashkëfshatarin e tij, Lek Lekgjonaj. Ai u akuzua për veprat penale “Vrasje për gjakmarrje” dhe “Mbajtja pa leje mbajtja pa leje e armeve dhe municioneve luftarak”.

I konsideruar i mitur, ai u dënua me 12 vjet burg, maksimumin e parashikuar nga ligji për moshën. Por për shkak të gjykimit të shkurtuar dënimi u ul me 1/3 në 8 vjet.

I mituri ka deklaruar para autoriteteve se e kishte kryer krimin me paramendim, pasi vëllai i viktimës i kishte vrarë babanë në vitin 2009, kur ai ishte vetëm 4-vjeç.

Ai po ashtu pranoi ndërsa armën pistoletë e kishte siguruar në Shkodër rreth 1 vit para ngjarjes.

Si ndodhi ngjarja

Në 24 janar, Florian Pervathi vrau 65-vjeçarin Lek Lekgjonaj, në oborrin e shtëpisë së tij. Ngjarja u zbardh shpejt, pas i mituri u vetëdorëzua në polici.

Krimi ndodhi në fshatin Manati të Lezhës.

17-vjeçari kishte mbetur jetim në moshën 4-vjeçare, pasi vëllai i Lek Lekgjonaj i kishte vrarë babanë pas një konflikti të hershëm për pronat.

Vëllai i viktimës ekzekutoi më 21 nëntor të vitit 2009 Gjon Pervathin dhe plagosi vëllain e Florianit. Në të njëjtën ditë me babanë, 17-vjeçari humbi edhe nënën.

Martine Përvathi u vetëhelmua me fotoksinë disa orë pas vrasjes së bashkëshortit, për shkak të gjendjes së rënduar psikologjike, pasi mendoi se i shoqi dhe i biri kishin vdekur të dy. Floriani priti 13 vite dhe sot vendosi të merrte gjak ndaj personit që e la jetim, duke i vrarë vëllanë.

 

Latest news