‘Familjet janë lënë jashtë në të ftohtë’/ Basha kritikon qeverinë nga Durrësi: Asnjë transparencë se kur do të nisë rikonstruksioni i banesave

Lideri demokrat Lulzim Basha ka qenë sot i pranishëm në Durrës me banorët e prekur nga tërmeti.

Duke kritikuar qeverinë për mostransparencë  dhe neglizhencë të situatës, Basha shkruan se në shumë raste, shpërndarja e ndihmave është bërë në mënyrë selektive për miq e kushërinj dhe me preferenca partiake.

“Nëse nuk do të ishte ndihma e vullnetarëve, mjaft familje nuk do të kishin as buke për fëmijët e tyre”, shton më tej.

Ai thekson se shumë familje qëndrojnë jashtë edhe në këtë mot të ftohtë.

“Shumë familje janë jashtë dhe pa asnjë ndihmë në këtë të ftohtë. Qytetarët thonë se nuk i njohin personat e ngarkuar për situatën, ndërkohë që nuk ka asnjë informacion për fondet e vëna në dispozicion për emergjencën.

Asnjë transparencë, se kur do të nisë rikonstruksioni i banesave të dëmtuara , si do të bëhet, fondet e akorduara, e shumë pyetje të tjera pa përgjigje.”

Reagimi

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm