Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Filologjiku kundër ligjit të arsimit, Taulant Muka: 49 firmëtarë janë "anonim"; vettingu i lë pa punë

Politiko 23 Dhjetor 2018, 19:53

Nga Taulant Muka

Një nga firmëtarët e filologjikut i shkakton shtetit 80 milionë lekë dëm ekonomik në vit!

Ju 51 pedagogët firmëtarë të filologjikut a jeni për “Veting në Arsim”? Pse nuk firmosni letrën “Vetingu të fillojë nga unë”?! Siç shihet nga grafiku, ju nuk keni produkte shkencore në revista serioze me faktor impakti*, sikurse e kërkonte dhe VKM e 2007 për dhënien e titujve akademikë/gradave shkencore. Të jesh person publik dhe gazetar me famë, apo të shkruash libra nuk të bën profesor/akademik. Profesor dhe akademik të bën puna kërkimore që matet përmes produktit shkencor, dhe impaktit të produktit shkencor (mates mund të jenë citimet, H-index* -për më shumë informacion mbi indiktatorët e punës kërkimore: http://www.kosovapress.com/sq/opinione/bajram-berisha-221/vleresimi-i-revistave-shkencore-dhe-shkencetareve-bazuar-ne-indikatore-bibliometrike-bashkekohore-107549/).

Pedagogët “anonim” në shkencë të filologjikut kërkojnë shfuqizimin e ligjit, por nuk përkrahin 8 pikat e studentëve dhe problemin e mos zbatimit të ligjit- pra prangat për ministrin përgjegjës, pjestarët në bordet e administrimit për korrupsionin me fondet, rektorët, dekanët apo edhe të shefave të departamenteve për cilësinë e ulët në mësidhënie, përgatitjen e ulët akademike/shkencore dhe titujt akademikë/gradat shkencore të dhënë pa fund. Pse, titujt akademikë të pamerituar, pedagogët me histori kriminale, mos ardhja e pedagogëve në mësim dhe korrupsionin me fondet i solli ligji i arsimt të lartë? JO, ato ishin aty para se ligji të miratohej. Pse nuk e ngritët zërin për mosakreditimin e programeve në Universitetin e Tiranës? Në momentin që ne flasim, diplomat e lëshuara nga fakulteti juaj nuk njihen sipas ligjit të 2015 duke i dhënë avantazh diplomave të universiteteve private (ku dhe ju keni qënë lektorë). Faji i ligjit është që ju dhe Universiteti i Tiranës nuk keni nisur dokumentat për akreditim? Sigurisht që jo- JU NUK KENI ZBATUAR LIGJIN!

Po ndryshimet në ligj, kush do i bëjë- ju akademikë “anonim” në shkencë, pra ju firmëtarë që keni vjedhur për vite të tëra rroga të pamerituara? Bërja e një ligji të ri, apo ndryshime të ligjit nuk bëjnë vetingun në akademi dhe nuk dallon akademikun e aftë nga ata/ato të paaftë. Duke bërë vetingun shihet nëse është zbatuar ligji në origjinalitetin e publikimit, në vendin (seline e revistës), bordin shkencor, dhe në numrin e publikimeve- dhe ju kësaj i frikësoheni sot.

Një titull akademik/gradë shkencore që keni marrë në kundërshtim me ligjin i kushton shtetit dhe vidhen nga tarifat që studentët paguajnë. Për shembull, një gradë shkencore “Doktor Shkencash” e fituar nga një anëtar i stafit akademik/punonjës i administrates i kushton shtetit 20,000 lekë (sipas VKM Nr. 187, datë 8.3. 2017) në muaj (të rinj), dhe 18,000 lekë (të rinj) i kalojnë udhëheqësit shkencor/profesorit (180 orë mësimore x 1000). Nga të dhënat që kam, një prej jush ka udhëhequr 33 doktoratura, të cilat i kushtojnë shtetit 5,940,000 milion lekë (të rinj) (33 doktoratura x 180,000 lekë) si pagë për udhëheqësin/profesorin, dhe 7,920,000 lekë (të rinj) rritje vjetore të pagës (20,000 leke rritje mujore x 12 muaj x 33 doktoratura) për të doktoruarin. Pra vetëm njëri prej jush, cdo vit, i shkakton 80 milionë lekë (të vjetra) dëm ekonomik shtetit. Po për këto abuzime me numrat e fryra të doktoraturave që jepni, ligji e ka fajin? Dhe çfarë mori shteti shqiptar në këmbim të doktoraturave që ju keni dhënë? Asnjë inovacion apo risi përmes së cilës shoqëria shqiptare mund të fitonte. Në universitetet me standarde ku dhe burimet financiare janë më të mëdha si dhe mundësitë për punë kërkimore, një profesor doktoron zakonisht jo më shumë se 2-3 studentë në vit- pasi çdo doktoraturë duhet të ketë impakt për shoqërinë.

Ju sot po akuzoni ligjin sepse vetingu në arsim do ju hiqte titullin akademik/gradën shkencore që keni marrë në kundërshtim me ligjin, dhe do ju detyronte të linit drejtimin e departamenteve (për të cilat edhe profilin akademik nuk e keni) akademikëve të aftë. Ju sot akuzoni ligjin, pasi keni frikë se nësë vetingu bëhet, duhet të ktheni miliona lekë që këni marrë, të gjitha të pamerituara. Propaganda PD/PS/LSI, të gjithë zero në shkencë për të hequr fajin nga vetja behën bashkë për t'ja hedhur fajin ligjit!

PS: “Impakt Faktori” (që publikohet çdo vit nga Web of Science (WOS) është një “indikator” i cili paraqet “peshën” e ndikimit të një reviste shkencore; paraqet raportin ndërmjet numrit të publikimeve (sasisë) dhe numrit të citimeve (cilësisë) të publikimeve të një reviste shkencore.

Indeksi i Hirshit (”h-index“), indikator qe vlerëson dhe mat në mënyrë transparente “peshën” e arritjeve shkencore të një kërkuesi shkencor duke u bazuar jo vetëm në numrin e përgjithshëm të publikimeve të tij, por edhe në faktin se sa ka ndikuar puna e këtij kërkuesi shkencor në veprimtarinë e kolegëve të tij të së njëjtës disiplinë shkencore. Pra h-indeksi paraqet raportin ndërmjet numrit të publikimeve (sasisë) dhe numrit të citimeve (cilësisë) të publikimeve te nje autori te veçante, respektivisht eshte nje numer i cili paraqet peshen e ndikimit te nje shkencëtari dhe mund te sherbej si fakor krahasimi ndermjet shkencetareve.