Flash News

Elez Biberaj: Protestat nuk janë kundër Trumpit, por kundër kleptokracisë

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

KRYESORE

Flet gazetari shqiptar që u infektua nga koronavirusi: E zbulova pasi u shërova, më i lehtë se gripi

Politiko 22 Prill 2020, 21:58
Flet gazetari shqiptar që u infektua nga koronavirusi: E zbulova pasi u

Gazetari shqiptar në Belgjikë, Albi Xhunga rrëfeu eksperiencën e tij me koronavirusin, pasi u infektua prej tij. Ai shprehet se pati simptoma të lehta, ndërsa zbuloi se ishte infektuar pasi ishte shëruar. “Nuk ishte rastësi por nuk isha pa simptoma. Simptomat ishin shumë të lehta. Filloi me një humbje të nuhatjes dhe një mbrëmje pak ethe e temperaturë. Për momentin e mora si një grip normal. Lexova që humbja e nuhatjes është dhe një simptomë e koronavirusit. Përfitova nga një studim i Universitetit të Mjekësisë të Monsit.

Ata testonin vetëm ato persona që kishin këto simptoma për të bërë lidhjen e saj me koronavirusin. Testi doli negativ dhe mjeku më tha që ti e ke kaluar. Pas një jave bëra një analizë gjaku ku pashë nëse gjaku ka krijuar antitrupa kundër virusit. Testi rezultoi se unë kisha antitrupa që do të thotë se unë isha i infektuar por isha shëruar. Ishte më i thjeshtë se një grip i zakonshëm. Mjeku më ka thënë se nuk është problem për mua që t'i rikthehem jetës normale pasi nuk ka rrezik që unë të infektohem sërish”, tha Xhunga në Ora Neës.

Xhunga u shpreh se Belgjika është një nga vendet më të prekura nga pandemia, por arriti të përballoi me sukses mos kolapsimin e sistemit shëndetësor. “Belgjika është një vend shumë i prekur. Javën që kaloi Belgjika kishte përqindjen e vdekjeve për 1 milion banorë më të lartën në botë. Kanë vdekur 6200 persona dhe për një vend si ky me 11 mln banorë është shifër shumë e lartë. Por lajmi i mirë ishte se sistemi shëndetësor e përballoi fluksin ndryshe nga Italia dhe Spanja. Këtu vijon karantina e cila do të vazhdojë deri në 4 maj, pas së cilës do të fillojë hapja graduale e bizneseve”, tha Xhunga.

Të fundit