Foto/ Arbitri i arrestuar simpatizant i PS: Vazhdon puna për Shqipërinë që duam!

Të tjera detajë jane zbuluar për arbitrin e Kategorisë Superiore, Paulin Simoni, i cili u arrestua pasditen e së dielës pasi dyshohet se është pjesë e grupit kriminal, ku bënte pjesë edhe ish-deputeti i PS, Arben Ndoka.

Në rrjetin social ‘Facebook’, Simoni shfaqet shpesh në zyrtat e Partisë Socialiste në Lezhë, ku në një njërën prej fotove të publikuara në prill të 2017, ai shkruan: “Për Shqipërinë që duam puna vazhdon”. Po ashtu, ai rezulton të ketë qenë i punësuar si operator në OSHEE në Lezhë.

Simoni u la në burg nga Gjykata e Krimeve të Rënda pasi dyshohet se kanë ndikuar në tjetërsimin e disa pronave në zonën e ‘Ranës së Hedhun’.