Flash News

Aksioni në Theth, banori mes lotësh: Kam ndërtuar në tokën time me shpenzimet e jetës, shteti të mos i prishë

Drejtorët në shënjestër! Pas Fierit dhe Durrësit, Rama mbërrin në Elbasan

Emri/ Identifikohet 23-vjeçari që u gjet i pajetë pranë liqenit të Shkopetit

Aksioni i IKM-së në Theth, banorët dalin në protestë

U denoncua i zhdukur nga i ati, 23-vjeçari gjendet i pajetë pranë liqenit të Shkopetit

KRYESORE

Fuga tregon pse refuzoi të hynte në ‘Listën Basha’: Nuk më ofroi Ministrinë e Arsimit; korrupsionin e zhdukja për 1 orë e 33 minuta

Politiko 12 Korrik 2017, 09:46
Fuga tregon pse refuzoi të hynte në ‘Listën Basha’:

Akademiku Artan Fuga ka treguar se ka marrë ftesë nga kryetari i PD-së, Lulzim Basha, për të qenë pjesë e listës së deputetëve për zgjedhjet e 25 qershorit. Fuga tha në “Këndin e Ekselencës” në News 24, se e refuzoi ftesën e Bashës pasi konceptet e tij nuk përputhen me PD-në, ndërsa nuk fshehu dëshirën se priste një propozim për të drejtuar Ministrinë e Arsimit, nëse kjo forcë politike fitonte zgjedhjet.

Akademiku theksoi se do t’i mjaftonte vetëm 1 orë e 33 minuta për të zhdukur korrupsionin në arsim.

“Kam patur ftesë për t’u bërë pjesë (e PD), por nuk pranova. Ti nuk mund të hysh në politikë se të pëlqen apo jo. Politika nuk është karrierë. Nëse bindjet dhe konceptet nuk më përashtaten me atë subjekt, unë nuk anagazhohem. Nuk hyra sepse nuk më përputheshin bindjet. Mua nuk më thanë, shiko, po të japim dy vjet kohë të drejtosh Ministrinë e Arsimit... Do më mjaftonin 1 orë e 33 minuta për të hequr korrupsion në arsim”, u shpreh Fuga në prani të studentëve të ekselencës.

Fuga pranoi se kishte votuar më 25 qershor për PD-në ndonëse e dinte se demokratët do humbisnin në zgjedhje. Sipas tij, PD humbi sepse nuk bëri fushatë, ndryshe nga PS.

“Mua s’më bëhet vonë fare se kush fiton dhe kush humbet. PD humbi sepse nuk bëri fushatë, PS e bëri fushatën në mënyrën e vet. Unë kam votuar për PD-në, sepse unë votoj gjithmon për atë që e di që do humbasë”, deklaroi akademiku.

Fuga u shpreh se politikanët shqiptarë vendosën ligjin mbi arsyen kur dhanë votat për reformën në arsim, që ai e konsideron të dëmshme për studentët.

Të fundit