Flash News

Aksident i rëndë në Thumanë, një i vdekur, 3 të plagosur

Gjykata e Durrësit pezullon nga detyra drejtorin e Arsimit Parauniversitar

Dyshohet se abuzoi se*sualisht me vajzën e tij, mbërrin në gjykatë Zamir Meta

Durrës/ Morën me forcë në automjet një 48-vjeçar dhe e dhunuan, identifikohen 4 autorët

Vazhdon zjarri në landfillin e Elbasanit

KRYESORE

Humbi jetën nga covid-19 mjeku në Pukë, reagon Meta: Nevojitet urgjentisht një strategji e re nga autoritetet

Politiko 6 Korrik 2020, 11:16
Humbi jetën nga covid-19 mjeku në Pukë, reagon Meta: Nevojitet

Presidenti Ilir Meta e ka cilësuar shqetësuese shtimin e numrit të rasteve të qytetarëve të prekur nga COVID-19 dhe të të viktimave në vendin tonë, teksa ka shprehur ngushëllimet për Dr. Hysni Shkjaun, i cili këtë mëngjes humbi jetën në infektiv pasi u infektua me covid-19.

Për këtë, Meta ka kërkuar implementimin e një strategjie të re, për përballimin e pasojave të pandemisë.

“Ndarja nga jeta këtë mëngjes e Dr.Hysni Shkjaut, i cili për 40 vite u shërbeu me përkushtim dhe profesionalizëm qytetarëve të Pukës, është një tjetër humbje e madhe për sistemin tonë shëndetësor.

Ngushëllimet më të sinqerta familjes së Dr.Shkjaut, kolegëve dhe mbarë komunitetit pukian!

Ritmet shqetësuese të shtimit të rasteve të qytetarëve të prekur nga COVID-19 dhe të numrit të viktimave, tregojnë se nevojitet urgjentisht një strategji e re, më efikase dhe transparente, për përballimin e pasojave të rënda të kësaj pandemie të rrezikshme, veçanërisht me afrimin e pikut të sezonit turistik.

Çdo neglizhencë e mëtejshme është jo vetëm e papranueshme, por edhe me kosto tepër të rënda për shëndetin dhe ekonominë.

Ndaj përsëris thirrjen e fortë për rëndësinë e rritjes së masave mbrojtëse për të gjithë mjekët, infermierët, sanitarët dhe personelin mbështetës, të cilët janë në vijën e parë të frontit, duke sakrifikuar, deri edhe me jetën e tyre, në mbrojtje të shëndetit të çdo qytetari.

Është tepër i domosdoshëm forcimi i mëtejshëm i bashkëpunimit midis autoriteteve qendrore dhe vendore, me qëllim izolimin e përhapjes së mëtejshme të këtyre rasteve dhe ndërgjegjësimin e qytetarëve për respektimin e të gjitha udhëzimeve të bëra publike”, shkruan Meta.

Të fundit