Flash News

Drejtorët në shënjestër! Pas Fierit dhe Durrësit, Rama mbërrin në Elbasan

Emri/ Identifikohet 23-vjeçari që u gjet i pajetë pranë liqenit të Shkopetit

Aksioni i IKM-së në Theth, banorët dalin në protestë

U denoncua i zhdukur nga i ati, 23-vjeçari gjendet i pajetë pranë liqenit të Shkopetit

U mbyt duke shpëtuar dy turistë në Shkodër, vijojnë kërkimet për trupin e kapitenit të anijes turistike

KRYESORE

"I dënuar dhe me tre identitete", Prokuroria nis verifikimet për kreybashkiakun e Vaut të Dejës

Politiko 12 Shtator 2019, 09:40

Partia Demokratike i kërkoi dy ditë më parë Prokurorisë verifikimin e Mark Babanit të Bashkisë së Vaut të Dejës, pasi sipas PD dyshohet se ai ka fshehur ndalime, dënime dhe dëbime nga Italia dhe Maqedonia e Veriut. Ditën e sotme Prokuroria e përgjithshme ka nisur verifikimet për kryebashkiakun e Vaut të Dejës.

Vetë Babani i ka mohuar akuzat, duke thënë se në jetën e tij nuk ka marrë asnjë gjobë makinash, jo më dënime të tjera, të cilat pretendohen nga Partia Demokratike.

Sipas Babanit, jo vetëm ai por as i ati nuk kanë bërë as 24 orë burg, ndërsa sqaron si qëndron e vërteta e ndryshimin e mbiemrit.

“Jam Mark Babani i lindur me 24 dhjetor 1966. Jam me mbiemrin Babaj por në shkollë të gjithë kushërinjtë dhe njerëzit e mi e kemi kthyer Babani. Kështu jam regjistruar në klasën e parë. Kam mbaruar shkollën e mesme, kam mbaruar ushtrinë në Tiranë, kam qenë sportist në klubin Vllaznia për tre vjet, si Mark Babani. Kur kam shkuar në Itali me 6 mars të 1991 jam regjistruar Mark Babani i datëlindjes 24 dhjetor 1966. Momentin e parë kur kemi marrë permesot e sonxhornos në Itali, një grup i zonës sonë, në prill-maj të 1991 në Siçili, kam filluar punë në një fabrikë peshku në fund të ’91, shtator-tetor. Kam punuar për tre vjet deri në ’94. Punoja në dy punë, edhe në një hotel. Jam larguar nga Italia në 1995, me fabrikën që punoja kemi bërë një investim në Shëngjin të Lezhës”, tha Babani.

Sekretari i Përgjithshëm i PD, Gazment Bardhi i vuri në dispozicion prokurorisë të gjithë informacionin që disponon Partia Demokratike për Babanin.

Të fundit